ق ر پرەزيدەنتى نۇرسۇلتان نازاربايەۆ قازاقستان تاۋەلسىزدىگىنىڭ 25 جىلدىعىن اتاپ وتۋگە بايلانىستى دايىندىق شارالارىن باستاۋعا رۇقسات بەردى. بۇل تۋرالى بۇگىن مەملەكەت باسشىسى استانادا قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى جيىندا ءمالىم ەتتى.
«مەن بيىل كوكتەمدە جاريالاعان ۇلت جوسپارىن ورىنداۋعا كىرىستىك. ونى ەلىمىز تاۋەلسىزدىگىنىڭ 25 جىلدىعى قارساڭىندا جۇزەگە اسىرۋدى باستاۋ سيمۆولدىق مانگە يە. مەنىڭ ويىمشا، ەلىمىز تاۋەلسىزدىگىنىڭ 25 جىلدىق مەرەيتويىن الداعى جىلى مەرەكەلەۋگە دايارلىق شارالارىن بارشامىزعا باستاۋعا رۇقسات بەرۋ دۇرىس بولادى»،-دەدى ن. نازاربايەۆ.
«قىمباتتى قازاقستاندىقتار، قۇرمەتتى سالتاناتتى جيىنعا قاتىسۋشىلار! بارشاڭىزدى «ۇلى دالا» ەلىنىڭ ۇلىق مەرەكەسى تاۋەلسىزدىك كۇنىمەن شىن جۇرەكتەن قۇتتىقتايمىن! ءبىز بۇگىن ازاتتىقتىڭ ەكىنشى مۇشەلىنە، 25 جىلدىعىنا اياق باستىق. ءاربىر ەلدىڭ جىلناماسىندا ونىڭ جاڭا تاريحىنىڭ باستاۋى بولعان تاعدىركەشتى تاڭدار بولادى. ءبىز ءۇشىن جاڭا ءداۋىردىڭ اراي تاڭى 1991 جىلى 16 جەلتوقساندا اتتى. سول كۇنى الەم كوگىندە قازاقستان رەسپۋبليكاسى اتتى ماڭگىلىك جۇلدىز جارقىراپ تۇردى. تۇتاس داۋىرلەردىڭ كۋاسى بولعان حالقىمىز سان عاسىرلار بۇرالاڭ ءارى قيىن جولمەن ءجۇرىپ ءوتتى»، - دەدى ەلباسى سالتاناتتى جيىندا.
پىكىر قالدىرۋ