قىتايدىڭ لۋنيان قالاسىنداعى مەيرامحانادا جارىلىس بولىپ، 7 ادام قازا تاپتى، - دەپ حابارلايدى «قامشى» پورتالى Baq.kz-كە سىلتەمە جاساپ.
ال، تاعى ءۇش ادام اۋىر جاراقات العان. جارىلىس مەيرامحانانىڭ اس ۇيىندە بولىپتى. سونداي-اق، حەيلۋنسزيان پروۆينسياسىنداعى شاحتادا دا جارىلىس بولىپ، 17 كەنشىنى جەر استىندا ءۇيىندى باسىپ قالعان. جارىلىس بولعان كەزدە جەر استىندا 50 ادام جۇمىس ىستەپ جاتقان، ونىڭ 33ء-ى جوعارى شىعارىلىپتى. ءقازىر وقيعا ورنىندا قۇتقارۋ جۇمىستارى جۇرگىزىلىپ جاتىر. جارىلىس سەبەپتەرى جونىندە ازىرگە ەش دەرەك جوق.
