قازاقستاننىڭ پرەمەر-مينيسترى كارىم ءماسىموۆ جۇڭگو حالىق رەسپۋبليكاسىنا ساپارى بارىسىندا ءىى دۇنيەجۇزىلىك ينتەرنەت-كونفەرەنسياعا قاتىسىپ، جۇڭگو تىلىندە بايانداما جاسادى، - دەپ حابارلايدى «قامشى» پورتالى. قازاقستاندىق پرەمەردىڭ جۇڭگو تىلىندەگى بايانداماسىن سسTV ارناسى كورسەتتى.

قىتايدىڭ ۋچجەن قالاسىندا وتكەن جيىندا كارىم ءماسىموۆ ينتەرنەتتىڭ ادامزات ءومىرىن وزگەرتىپ وتىرعانىن، قازاقستاننىڭ ينتەرنەت-تەحنولوگيالار وندىرىسىنە بەلسەندى ارالاسىپ كەلە جاتقانىن ايتتى. جۇڭگو تىلىندە بايانداما جاساعان قازاقستاندىق پرەمەردىڭ سوزىنە تىڭداۋشىلار بىرنەشە مارتە قول شاپالاقتاعان.

سونداي-اق، بۇل كونفەرەنسياعا رەسەي، تاجىكستان، وزبەكستان، قىرعىزستان پرەمەر-مينيسترلەرى دە قاتىستى. تەك ولار باياندامالارىن ورىس تىلىندە جاساعان.

قازاقستان پەرمەر-مينيسترى كارىم ءماسىموۆ پەكين تىلدەر ينستيتۋتىنىڭ، ۋحان زاڭ ينستيتۋتىنىڭ تۇلەگى ەكەنىن، جۇڭگو تىلىنەن باسقا ورىس، اعىلشىن، اراب تىلدەرىندە ەركىن سويلەيتىنىن ەستەرىڭىزگە سالامىز.

 «قامشى» سىلتەيدى