ق ر ۇكىمەتىنىڭ قاۋلىسىمەن «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قاۋلىعا وزگەرىستەر مەن تولىقتىرۋلار ەنگىزىلدى، - دەپ حابارلايدى «قامشى» پورتالى قازاقپاراتقا سىلتەمە جاساپ.

قازاقستان رەسپۋبليكاسى ۇكىمەتىنىڭ قاۋلىسى 

2015 جىلعى 27 قاراشا، استانا، ۇكىمەت ءۇيى، №957

«ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1400 قاۋلىسىنا وزگەرىستەر مەن تولىقتىرۋ ەنگىزۋ تۋرالى

قازاقستان رەسپۋبليكاسىنىڭ ۇكىمەتى قاۋلى ەتەدى:

1. «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1400 قاۋلىسىنا (قازاقستان رەسپۋبليكاسىنىڭ ءپۇاج-ى، 2007 ج.، № 51، 648-قۇجات) مىناداي وزگەرىستەر مەن تولىقتىرۋ ەنگىزىلسىن:

1، 2، 3-تارماقتار مىناداي رەداكسيادا جازىلسىن:

«1. ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە (بۇدان ءارى - ۇيىمداردىڭ قىزمەتكەرلەرى) ەڭبەكاقى تولەۋ جۇيەسى ۋاقىت بويىنشا جانە/نەمەسە كەسىمدى ەڭبەكاقى تولەۋ جۇيەسى بولىپ تابىلادى دەپ بەلگىلەنسىن.

ۋاقىت بويىنشا ەڭبەكاقى تولەۋ جۇيەسى:

1. ازاماتتىق قىزمەتشىلەردىڭ (بىلىكتى جۇمىسشىلاردى قوسپاعاندا)، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنىڭ لاۋازىمدارىن فۋنكسيونالدىق بلوكتار بويىنشا سىنىپتاۋعا سايكەس ازىرلەنەتىن ازاماتتىق قىزمەتشىلەر لاۋازىمدارىنىڭ ءتىزىلىمى.
   
   ازاماتتىق قىزمەتشىلەردىڭ (بىلىكتى جۇمىسشىلاردى قوسپاعاندا)، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنىڭ لاۋازىمدارىن فۋنكسيونالدىق بلوكتار بويىنشا سىنىپتاۋ قىزمەت سالاسىنا، بىلىمىنە، بىلىكتىلىك دەڭگەيىنە، ورىندالاتىن جۇمىستىڭ كۇردەلىلىگىنە جانە جاۋاپكەرشىلىك دەڭگەيىنە بايلانىستى باسقارۋشى، نەگىزگى، اكىمشىلىك جانە قوسالقى پەرسونالداردان قالىپتاسادى؛
   
   2) ازاماتتىق قىزمەتشىلەردىڭ، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنىڭ، قازىنالىق كاسىپورىندار قىزمەتكەرلەرىنىڭ (جۇمىسشىلاردى قوسپاعاندا) فۋنكسيونالدىق بلوكتار بويىنشا لاۋازىمدىق جالاقىلارىن (بۇدان ءارى - لج) ەسەپتەۋگە ارنالعان بازالىق لاۋازىمدىق جالاقىعا (بۇدان ءارى - بلج) قولدانىلاتىن كوەففيسيەنتتەر؛
   
   3) جۇمىسشىلاردىڭ لج (تاريفتىك مولشەرلەمەلەرىن) ەسەپتەۋگە ارنالعان بلج-عا قولدانىلاتىن كوەففيسيەنتتەر؛

4) ۇيىمدار قىزمەتكەرلەرىنە ەڭبەك جاعدايلارى ءۇشىن قوسىمشا اقىلار جانە ۇستەمەاقىلار، ساۋىقتىرۋعا ارنالعان جاردەماقى جانە وتەماقىلار؛

5) قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگى قىزمەتكەرلەرىنىڭ شەت­ەل ۆاليۋتاسىنداعى لج (تاريفتىك مولشەرلەمەلەر) سحەمالارى نەگىزىندە ەڭبەكاقى تولەۋدى قامتيدى.

كەسىمدى ەڭبەكاقى تولەۋ جۇيەسى ورىندالعان جۇمىستىڭ (كورسەتىلگەن قىزمەتتىڭ) نەمەسە دايىندالعان ءونىمنىڭ زاتتاي ولشەم بىرلىكتەرىندە كورسەتىلگەن ءار بىرلىگى (كولەمى) ءۇشىن ەڭبەكاقى تولەۋدى كوزدەيدى.

2. قوسا بەرىلىپ وتىرعان:

1) ازاماتتىق قىزمەتشىلەر (بىلىكتى جۇمىسشىلاردى قوسپاعاندا)، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرى لاۋازىمدارىنىڭ فۋنكسيونالدىق بلوكتار بويىنشا سىنىپتاماسى؛

2) ازاماتتىق قىزمەتشىلەردىڭ، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنىڭ، قازىنالىق كاسىپورىندار قىزمەتكەرلەرىنىڭ (جۇمىسشىلاردى قوسپاعاندا) فۋنكسيونالدىق بلوكتار بويىنشا لج ەسەپتەۋگە ارنالعان كوەففيسيەنتتەر؛

3) جۇمىسشىلاردىڭ لج (تاريفتىك مولشەرلەمەلەرىن) ەسەپتەۋگە ارنالعان كوەففيسيەنتتەر؛
4) ۇيىمدار قىزمەتكەرلەرىنە ەڭبەكاقى تولەۋ شارتتارى؛

5) قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگى قىزمەتكەرلەرىنە ەڭبەكاقى تولەۋ شارتتارى؛

6) ۇيىمداردىڭ قىزمەتكەرلەرىنە ۇنەمدەۋ ەسەبىنەن سىيلىقاقى بەرۋ جۇزەگە اسىرىلاتىن، ماتەريالدىق كومەك كورسەتىلەتىن جانە ىنتالاندىرۋشى ۇستەمەاقى بەلگىلەنەتىن شىعىس تۇرلەرىنىڭ تىزبەسى بەكىتىلسىن.

3. مىنالار:

1) ۇيىمداردىڭ قىزمەتكەرلەرىنە ەڭبەكاقى تولەۋ قورى لج-دان (تاريفتىك مولشەرلەمەدەن)، ەڭبەك جاعدايلارى ءۇشىن قوسىمشا اقىلار مەن ۇستەمەاقىلاردان، ازاماتتىق قىزمەتشىلەردىڭ جىل سايىنعى اقىلى ەڭبەك دەمالىسىنا قوسىلاتىن ءبىر لج (تاريفتىك مولشەرلەمە) مولشەرىندەگى ساۋىقتىرۋ جاردەماقىسىنان، قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە كوزدەلگەن وتەماقىلاردان ايقىندالادى؛

قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگى قىزمەتكەرلەرىنە ەڭ­بەك­­­اقى تولەۋ قورى شەتەل ۆاليۋتاسىنداعى لج (تاريفتىك مولشەرلەمە) نەگىزگە الىنا وتىرىپ ايقىندالادى؛

2) ۇيىمدار قىزمەتكەرلەرىنىڭ لج-سى (تاريفتىك مولشەرلەمەسى) اتقاراتىن لاۋازىمدارىنىڭ فۋنكسيونالدىق بلوكتارعا جاتقىزىلۋىنا جانە ماماندىعى بويىنشا جۇمىس وتىلىنە، تاعايىندالعان بىلىكتىلىك رازريادتارىنا (جۇمىسشىلار ءۇشىن) قاراي لج-نى (تاريفتىك مولشەرلەمەنى) ەسەپتەۋ ءۇشىن بەكىتىلگەن ءتيىستى كوەففيسيەنتتەردى قازاقستان رەسپۋبليكاسىنىڭ ۇكىمەتى بەلگىلەگەن بلج مولشەرىنە كوبەيتۋ جولىمەن ايقىندالادى؛

پەداگوگ قىزمەتكەرلەردىڭ جەكەلەگەن ساناتتارى ءۇشىن لج (تاريفتىك مولشەرلەمەلەر) ءبىر اپتاعا بەلگىلەنگەن وقۋ جۇكتەمەسىنە قاراي ايقىندالادى؛

زاڭناماعا سايكەس ەرەكشە مارتەبە بەرىلگەن مەملەكەتتiك جوعارى وقۋ ورىندارىنىڭ ماماندارى مەن قىزمەتشىلەرىنە لج لج-نىڭ بەلگىلەنگەن مولشەرىنە جوعارىلاتاتىن كوەففيسيەنتتەردى قولدانۋ ارقىلى ايقىندالادى؛

3) وتەماقىلاردىڭ مولشەرى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنە سايكەس ايقىندالادى دەپ بەلگىلەنسىن.»؛

4-تارماقتا:

3) جانە 5) تارماقشالار مىناداي رەداكسيادا جازىلسىن:

«3) ۇيىمدار قىزمەتكەرلەرىنىڭ لج-سىن (تاريفتىك مولشەرلەمەسىن) ايقىنداۋ ماقساتىندا ورتا­لىق اتقارۋشى جانە وزگە دە مەملەكەتتىك ورگاندار (كەلىسىم بويىنشا) ماماندىعى بويىنشا جۇمىس ءوتى­ءلىن (قىزمەت سالاسىنىڭ ەرەكشەلىكتەرىن ەسكەرە وتىرىپ) ەسەپتەۋدىڭ ءتارتىبى مەن شارتتارىن ايقىن­دايدى؛

5) مەملەكەتتىك مەكەمەلەر مەن قازىنالىق كاسىپورىنداردىڭ قىزمەتكەرلەرىنە، ونىڭ ىشىندە 2016 جىلعى 1 قاڭتاردان باستاپ قابىلدانعان قىزمەتكەرلەرگە جالاقىسىنداعى، ساۋىقتىرۋعا ارنالعان جاردەماقىسىنداعى ايىرما 2016 جىلعى 1 قاڭتاردان باستاپ قولدانىستاعى ەڭبەكاقى تولەۋ جۇيەسىنە سايكەس ولاردىڭ جالاقىسى مەن ساۋىقتىرۋعا ارنالعان جاردەماقىسى 2016 جىلعى 1 قاڭتارعا دەيىن قولدانىلعان ەڭبەكاقى تولەۋ جۇيەسى بويىنشا جالاقىسىنان جانە ساۋىقتىرۋعا ارنالعان جاردەماقىسىنان تومەن بولىپ شىققان جاعدايلاردا تولەنەدى؛»؛

6) تارماقشاداعى «بەكىتەدى دەپ بەلگىلەنسىن.» دەگەن سوزدەر «بەكىتەدى؛» دەگەن سوزبەن اۋىستىرىلىپ، مىناداي مازمۇنداعى 7) تارماقشامەن تولىقتىرىلسىن:

«7) وسى قاۋلىعا 1-قوسىمشاعا سايكەس ازاماتتىق قىزمەتشىلەر (بىلىكتى جۇمىسشىلاردى قوسپاعاندا)، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرى لاۋازىمدارىنىڭ فۋنكسيونالدىق بلوكتار بويىنشا سىنىپتاماسى نەگىزىندە ەڭبەك جونىندەگى ۋاكىلەتتى مەملەكەتتىك ورگان ازاماتتىق قىزمەتشىلەردىڭ، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنىڭ لاۋازىمدارىن ازاماتتىق قىزمەتشىلەر لاۋازىمدارى ءتىزىلىمىنىڭ فۋنكسيونالدىق بلوكتارىنا جانە بىلىكتى جۇمىسشىلارعا جاتقىزۋ جونىندەگى ادىستەمەلىك ۇسىنىمداردى بەكىتەدى.

ءتيىستى قىزمەت سالالارىنداعى ۋاكىلەتتى ورگاندار ەڭبەك جونىندەگى ۋاكىلەتتى مەملەكەتتىك ورگانمەن كەلىسۋ بويىنشا ءتيىستى قىزمەت سالالارى بويىنشا ازاماتتىق قىزمەتشىلەر لاۋازىمدارىنىڭ ءتىزىلىمىن بەكىتەدى دەپ بەلگىلەنسىن.»؛

6-تارماقتىڭ 1) تارماقشاسى مىناداي رەداكسيادا جازىلسىن:

«1) مەملەكەتتىك باسقارۋ ورگانىمەن كەلىسۋ بويىنشا ازاماتتىق قىزمەتشىلەر لاۋازىمدارىنىڭ تىزىلىمىندە كورسەتىلگەن لاۋازىمداردىڭ اتاۋلارىنا قىزمەت ەرەكشەلىگىن سيپاتتايتىن ارناۋلى قوسىمشا اتاۋلاردى قولدانۋعا، سونداي-اق فۋنكسيونالدىق مىندەتتەرىنە قاراي وزگە دە لاۋازىمدار اتاۋلارىن تەڭەستىرۋگە؛»؛

1، 2، 3، 4، 6، 7، 8، 9، 10، 11، 12، 13، 14، 15، 16، 17، 18، 19، 21، 25-قوسىمشالار وسى قاۋلىعا 1، 2، 3، 4، 5، 6، 7، 8، 9، 10، 11، 12، 13، 14، 15، 16، 17، 18، 19، 20-قوسىمشالارعا سايكەس جاڭا رەداكسيادا جازىلسىن؛

5، 24، 24-1-قوسىمشالار الىپ تاستالسىن؛

20-قوسىمشاعا ەسكەرتپەدە:

«ساعات بويىنشا ەڭبەك اقى تولەۋ دەمالىس ءۇشىن تولەنەتىن اقىنى دا ەسكەرەدى.»، «پراكتيكالىق قىزمەتىندە شەت ءتىلىن قولدانعانى ءۇشىن جالاقىعا ۇستەمەاقىلاردى الاتىن مەملەكەتتىك مەكەمەلەر قىزمەتكەرلەرىنەن شەت ءتىلى بويىنشا ەمتيحان قابىلداۋ كەزىندە؛» دەگەن جولدار الىپ تاستالسىن؛

«جوعارى ءبىلىمى بار جوعارى وقۋ ورىندارىنىڭ قىزمەتكەرلەرىنە نەگىزگى لاۋازىمى بويىنشا جۇمىس كۇنىنەن تىس جوعارى وقۋ ورنى رەكتورىنىڭ رۇقساتىمەن سول وقۋ ورنىندا جىلىنا 225 ساعاتتان اسپايتىن ساعات بويىنشا ەڭبەكاقى تولەۋ شارتتارىندا پەداگوگيكالىق جۇمىسپەن شۇعىلدانا الادى.» دەگەن جول مىناداي رەداكسيادا جازىلسىن:

«جوعارى ءبىلىمى بار جوعارى وقۋ ورىندارىنىڭ (بۇدان ءارى - جوو) قىزمەتكەرلەرى نەگىزگى لاۋازىمى بويىنشا جۇمىس كۇنىنەن تىس جوو رەكتورىنىڭ رۇقساتىمەن سول وقۋ ورنىندا كولەمى جىلىنا 225 ساعاتتان اسپايتىن كولەمدە، ساعات بويىنشا ەڭبەكاقى تولەۋ شارتتارىندا پەداگوگيكالىق جۇمىسپەن شۇعىلدانا الادى.»؛

22-قوسىمشادا:
تاقىرىپ مىناداي رەداكسيادا جازىلسىن:

«دەنساۋلىق ساقتاۋ سالاسىنداعى ازاماتتىق قىزمەتشىلەر، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرى، قازىنالىق كاسىپورىندار قىزمەتكەرلەرى لاۋازىمدارىنىڭ جانە كاسىپتەرىنىڭ تىزبەسى مەن ولاردىڭ پسيحوەموسيونالدىق جانە دەنە جۇكتەمەسىن ايقىندايتىن كريتەرييلەر»؛

كەستە باعاندارىنىڭ تاقىرىپتارى مىناداي رەداكسيادا جازىلسىن:
«ر/س
№ قىزمەتكەرلەر لاۋازىمدارىنىڭ جانە
كاسىپتەرىنىڭ اتاۋى پسيحوەموسيونالدىق جانە دەنە جۇكتەمەلەرىنىڭ كريتەرييلەرى
1 2 3
»؛

2. مىنالاردىڭ كۇشى جويىلدى دەپ تانىلسىن:

1) «ازاماتتىق قىزمەتشىلەر لاۋازىمدارىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 27 قىركۇيەكتەگى № 850 قاۋلىسى (قازاقستان رەسپۋبليكاسىنىڭ ءپۇاج-ى، 2007 ج.، № 35، 394-قۇجات)؛

2) «قازاقستان رەسپۋبليكاسى ۇكىمەتىنىڭ «ازاماتتىق قىزمەتشىلەر لاۋازىمدارىنىڭ تىزبەسىن بەكىتۋ تۋرالى» 2007 جىلعى 27 قىركۇيەكتەگى № 850 جانە «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» 2007 جىلعى 29 جەلتوقسانداعى № 1400 قاۋلىلارىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 31 جەلتوقسانداعى № 1427 قاۋلىسى 1-تارماعىنىڭ 1) تارماقشاسى (قازاقستان رەسپۋبليكاسىنىڭ ءپۇاج-ى، 2014 ج.، № 88-89، 733-قۇجات).

3. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ پرەمەر-مينيسترى ك.ءماسىموۆ.