«قامشى» پورتالى وسى اپتاداعى ەلىمىزدە بولعان كادرلىق تاعايىنداۋلارعا قازاقپاراتقا سىلتەمە جاساپ شولۋ جاسايدى.
وسى اپتادا اۋىز تولتىرا ايتا قويارلىقتاي اتقارۋشى بيلىكتە كادرلىق ءاۋىس-تۇيىس ورىن الا قويعان جوق. دەگەنمەن، ءبىرقاتار كومپانيالاردىڭ قۇرامىندا وزگەرىستەر ورىن الىپ، وسى ۋاقىتقا دەيىن قىزىلوردا وبلىسى اكىمىنىڭ ورىنباسارى بولعان شەنەۋنىك «نۇر وتان» پارتياسىنىڭ حاتشىسى قىزمەتىنە تاعايىندالعانى بەلگىلى.
سونىمەن 2013 جىلدىڭ ناۋرىز ايىنان باستاپ وسى ۋاقىتقا دەيىن قىزىلوردا وبلىسى اكىمىنىڭ ورىنباسارى قىزمەتىن اتقارعان ناتاليا نيكولايەۆنا گودۋنوۆا«نۇر وتان» پارتياسىنىڭ حاتشىسى بولىپ تاعايىندالدى.
ول باتىس قازاقستان اۋىلشارۋاشىلىق ينستيتۋتىن، رف ۇكىمەتى جانىنداعى قارجى اكادەمياسىن بىتىرگەن. ەكونوميكا عىلىمدارىنىڭ كانديداتى. ەڭبەك جولىن 1993 جىلى ورال قالاسىنداعى «ورال» «اگروپرومبانكىنىڭ» ەكونوميسى قىزمەتىنەن باستاپ، 1997-1998 جىلدارى باتىس قازاقستان اۋماقتىق مەملەكەتتىك مۇلىك جانە جەكەشەلەندىرۋ كوميتەتىنىڭ جەتەكشى مامانى، باسشىنىڭ ورىنباسارى، باسشى قىزمەتتەرىن اتقارعان. 1998-2004 جىلدارى باتىس قازاقستان وبلىسى اكىمىنىڭ اپپاراتىندا باس مامان، ءبولىم مەڭگەرۋشىسى؛ 2004-2005 جىلدارى باتىس قازاقستان وبلىستىق ەكونوميكا جانە بيۋدجەتتتىك جوسپارلاۋ دەپارتامەنتىنىڭ ديرەكتورى؛ 2005-2006 جىلدارى قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگىنىڭ كەڭەسشىسى؛ 2006-2009 جىلدارى ماڭعىستاۋ وبلىسى اكىمىنىڭ كەڭەسشىسى؛ 2009-2012 جىلدارى قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلىنىڭ مىندەتىن اتقارۋشى؛ 2012-2013 جىلدارى قازاقستان رەسپۋبليكاسى پرەمەر-مينيسترى ورىنباسارىنىڭ كەڭەسشىسى قىزمەتتەرىن اتقارعان.
الماتىدا قالالىق كاسىپكەرلەر پالاتاسىنىڭ ديرەكتورى بولىپ يۋريي تىلەۋمۇراتوۆ تاعايىندالدى. ول بيىلعى جىلدىڭ مامىر ايىنان بەرى پالاتانىڭ ديرەكتورى مىندەتىن اتقارىپ كەلگەن بولاتىن.
54 جاستاعى يۋريي تىلەۋمۇراتوۆ قاراعاندى مەملەكەتتىك ۋنيۆەرسيتەتىنىڭ ەكونوميكا فاكۋلتەتىن بىتىرگەن. ءار جىلدارى سالىق ورگاندارىندا ىستەدى. ق ر قارجى مينيسترلىگىنىڭ قارجىلىق باقىلاۋ جانە مەملەكەتتىك ساتىپ الۋ كوميتەتىن باسقاردى. سونداي-اق، جەكە اۋديتورلىق جانە كونسالتينگتىك كومپانيالاردا قىزمەت اتقارعان. 2013 جىلدىڭ قازان ايىنان «اتامەكەن» ۇلتتىق كاسىپكەرلەر پالاتاسىنىڭ شاعىن جانە ورتا بيزنەستى دامىتۋ كوميتەتى حاتشىلىعىنىڭ حاتشىسى بولىپ جۇمىس ىستەدى.
«سەسنابانك» اق بانكتىڭ باسقارماسى مەن ديرەكتورلار كەڭەسى قۇرامىنداعى وزگەرىستەر ورىن الدى. ديرەكتورلار كەڭەسى شەشىمىمەن «سەسنابانك» اق باسقارما ءتوراعاسى داۋرەن ادىلبەك ۇلى جاقسىبەكتىڭ، سونداي-اق اق باسقارما ءتوراعاسى رۇستەم قۋات ۇلى جاقىپبايەۆتىڭ وكىلەتتىكتەرى مەرزىمىنەن بۇرىن توقتاتىلدى. سونىمەن بىرگە، ديرەكتورلار كەڭەسىنىڭ ءتوراعاسى ەركەعالي سەرىك ۇلى ەدەنبايەۆتىڭ ديرەكتورلار كەڭەسىنىڭ مۇشەسى مارتەبەسى ساقتالىپ، وكىلەتتىگى توقتاتىلدى. ونىڭ ورنىنا «سەسنا» اق ديرەكتورلار كەڭەسىنىڭ ءتوراعاسى قىزمەتىنە داۋرەن ادىلبەك ۇلى جاقسىبەك سايلاندى.
«قازترانسويل» اق باسقارماسىنىڭ 2015 جىلدىڭ 14 جەلتوقسانداعى شەشىمىمەن «قازترانسويل» اق باس ديرەكتورى (باسقارما ءتوراعاسى) قايىرگەلدى ءقابىلديننىڭ وكىلەتتىكتەرى بەرىلگەن وتىنىشكە سايكەس مەرزىمىنەن بۇرىن اياقتالىپ، 2015 جىلدىڭ 16 جەلتوقسانىنان باستاپ «قازترانسويل» اق باس ديرەكتورى (باسقارما ءتوراعاسى) بولىپ نۇرتاس شمانوۆ تاعايىندالدى.
نۇرتاس نۇرىبەك ۇلى شمانوۆ 1956 جىلى اتىراۋ قالاسىندا تۋىپ، ۋفاداعى مۇناي ينستيتۋتىن «مۇناي-گاز قۇبىرلارىن، گاز قويمالارى مەن مۇناي بازالارىن جوبالاۋ جانە پايدالانۋ» ماماندىعى بويىنشا، قازاق مەملەكەتتىك اكادەمياسى جانىنداعى نارىق ينستيتۋتىن «قارجى جانە نەسيە» ماماندىعى بويىنشا، سونىمەن بىرگە بوستونداعى (اقش) ماسساچۋسەتس ۋنيۆەرسيتەتىن بىتىرگەن بولاتىن. 36 جىلدان اسا ۋاقىت بويى وسى سالادا قىزمەت ەتۋدە. ول نەگىزگى تەحنولوگيالىق جابدىقتاۋدى جوندەۋ جونىندەگى سلەساردان باستاپ «قازمۇنايگاز» ۇك اق باسقارما ءتوراعاسىنىڭ ورىنباسارى لاۋازىمىنا دەيىنگى كاسىبي جولدى باستان كەشتى. «يۋجنەفتەپروۆود» ءوب («ترانسنەفت» اك)، «تەڭىزشيەۆرويل» ج ش س، «كاسپيي قۇبىر كونسورسيۋمى - رەسەي»، «شيەۆروننەفتگاز»، «شيەۆرونمۇنايگاز»، «شيەۆرون وۆەرسيز پەترولەۋم ينك.» سياقتى كومپانيالارىندا جاۋاپتى لاۋازىمدارعا يە بولدى. 2007 جىلدىڭ جەلتوقسانى مەن 2009 جىلدىڭ قاڭتار ايى اراسىنداعى ۋاقىتتا «قازترانسويل» اق باس ديرەكتورى (باسقارما ءتوراعاسى) لاۋازىمىن يەمدەندى.
ن.ن. شمانوۆ - مۇنايشىلار اۋلەتىنىڭ وكىلى. اكەسى نۇرىبەك ءنابي ۇلى - سالا ارداگەرى، «ىستىق» مۇناي قۇبىرلارىن پايدالانۋ ماسەلەلەرىن زەرتتەگەن، ءوز تاجىريبەسى مەن بىلىمدەرىن پراكتيكالىق جۇمىستا قولدانعان العاش قازاق عالىمى ەدى. نۇرىبەك شمانوۆ ەسىمىمەن «قازترانسويل» اق-نىڭ مۇناي ايداۋ ستانسالارىنىڭ ءبىرى اتالىندى.
«كەGOC» اق ديرەكتورلار كەڭەسىنىڭ شەشىمىمەن «كەGOC» اق اتقارۋشى ديرەكسياسىنىڭ جاڭا ۇيىمدىق قۇرىلىمى بەكىتىلدى جانە باسقارۋ مەن ۇيلەستىرۋدىڭ ءبىرقاتار ماسەلەلەرىنە وزگەرىستەر ەنگىزىلدى. اتاپ ايتقاندا،سەرىك كەڭەسبەك ۇلى وسپانوۆ باسقارما ءتوراعاسىنىڭ ءبىرىنشى ورىنباسارى بولىپ تاعايىندالدى. باقىتحان مەدەعالي ۇلى جازىقبايەۆ باسقارما ءتوراعاسىنىڭ ءوندىرىس جونىندەگى ورىنباسارى بولدى. اسكەربەك دوساي ۇلى قۋانىشبايەۆ باسقارما ءتوراعاسىنىڭ ۇەت-تى دامىتۋ جانە كورپوراتيۆتىك باسقارۋ جونىندەگى ورىنباسارى قىزمەتىنە تاعايىندالدى، مۇقتار وڭعارباي ۇلى بەكەنوۆ جۇيەلىك قىزمەتتەر جونىندەگى جاڭا باسقارۋشى ديرەكتور جانە ابات امان ۇلى اقمۋرزين فيليالدارمەن جانە ەبۇ-مەن جۇمىس جونىندەگى باسقارۋشى ديرەكتور بولدى.
قازاقستان كاسىبي بوكس فەدەراسياسىنىڭ پرەزيدەنتتىگىنە ق ر پرەزيدەنتى تەلەراديوكومپانياسىنىڭ باس ديرەكتورى ەرلان بەكحوجين سايلاندى.
ەرلان بەكحوجين 1963 جىلى 6 مامىردا شىمكەنت قالاسىندا دۇنيەگە كەلگەن. قازاق مەملەكەتتىك ۋنيۆەرسيتەتىن، ورتالىق ازيا ۋنيۆەرسيتەتىن بىتىرگەن. 1994-1997 جىلدارى - «حابار» اگەنتتىگى اقپاراتتىق باعدارلاماسىنىڭ جۇرگىزۋشىسى، «جەتى كۇن» اقپاراتتىق باعدارلاماسىنىڭ اۆتورى ءارى جۇرگىزۋشىسى. 1998-2003 جىلدارى - قازاقستان رەسپۋبليكاسىنداعى «مير» حالىقارالىق تەلەراديو كومپانياسىنىڭ ديرەكتورى. 2003-2009 جىلدارى «ليتەر-مەديا» ج ش س باس ديرەكتورى، «ليتەر» جانە «ايقىن» گازەتتەرى رەداكسيالىق كەڭەستەرىنىڭ ءتوراعاسى. 2009 اقپان ايىنان باستاپ ق ر پرەزيدەنتى تەلەراديو كەشەنىنىڭ باس ديرەكتورى. قازاقستان رەسپۋبليكاسى جۋرناليستيكا اكادەمياسىنىڭ اكادەميگى، رەسەي جانە قازاقستان جۋرناليستەر وداعى سىيلىعىنىڭ لاۋرەاتى، «جىلدىڭ ۇزدىك ءجۋرناليسى» اتالىمى بويىنشا «التىن جۇلدىز» سىيلىعىنىڭ لاۋرەاتى.
اقتوبە» فۋتبول كلۋبىنىڭ جاڭا جاتتىقتىرۋشىسى قىزمەتىنە 46 جاستاعى رەسەيلىك يۋريي وتكەلبايەۆ كەلدى. بۇل مامان اقتوبەلىكتەردىڭ باپكەرى رەتىندە رەسمي تۇردە سەيسەنبى كۇنى جاريالانۋى ءتيىس.
يۋريي وتكەلبايەۆ كەڭەستىك جانە رەسەيلىك فۋتبولدىڭ «تورپەدو» (مياسس)، «نەفتەحيميك» (نيجنەكامسك)، «يرتىش» (توبولسك)، «رۋبين» (قازان) سياقتى تومەنگى ليگالار كوماندالارىندا قاقپاشى رەتىندە بەلگىلى بولعان. قازاندىق «پريۆولجانين» كومانداسى ءۇشىن ميني-فۋتبولعا قاتىسقان. ويىن مانسابى اياقتالعان سوڭ قازاندىق «رۋبين» كومانداسىنىڭ جاتتىقتىرۋشىسى، بۇل كوماندا ءدۋبلىنىڭ باس جاتتىقتىرۋشىسى بولعان. «كاماز»-دىڭ (نابەرەجنىە چەلنى) سپورتتىق ديرەكتورى قىزمەتىن اتقارعان.
