جەلىنى پايدالانۋشىلاردىڭ ءبىرى لادا.كز جەرگىلىكتى سايتىنا وقيعا كادرلارىن سالدى.
ۆيدەودا Hyundai Sonata كولىگىنىڭ بالالاردىڭ وينايتىن جەردىڭ قورشاۋىن سوعىپ قيراتقانى كورىنىپ تۇر. كۋاگەرلەر وقيعانىڭ 16 جەلتوقسان كۇنى 2ء-شى شاعىناۋدانداعى 46ء-شى ءۇيدىڭ اۋلاسىندا بولعانىن حابارلاپ وتىر.
كەيىن وبلىستىق ىىد-نەن لادا.كز سايتىنا بالالاردىڭ وينايتىن الاڭىنا سوعىلعان جۇرگىزۋشى ماس بولعانىن حابارلادى. وسىلايشا، باسپا ءسوز قىزمەتىنىڭ مالىمەتتەرىنشە، 16 جەلتوقسان كۇنى شامامەن ساعات 13:25-تە 2ء-شى شاعىناۋدانداعى 46-شى ءۇيدىڭ قاسىندا ماس كۇيىندە بولعان Hyundai Sonata كولىگىنىڭ جۇرگىزۋشىسى بالالار الاڭىندا جول-كولىك وقيعاسىنا جول بەرىپ، وقيعا ورنىنان كەتىپ قالماق بولعان.
جول-كولىك وقيعاسىنا جول بەرگەن اقتاۋ قالاسىنىڭ 1965 جىلعى تۇرعىنىنا قاتىستى ق ر اكىمشىلىك قۇقىق بۇزۋشىلىقتار تۋرالى كودەكستىڭ 611-بابىنىڭ 2ء-بولىمى (جول قوزعالىسى ەرەجەلەرىن بۇزعان جۇرگىزۋشىنىڭ جول-كولىك وقيعاسى ورنىن قالدىرۋ) جانە ق ر اكىمشىلىك قۇقىق بۇزۋشىلىقتار تۋرالى كودەكستىڭ 608-بابىنىڭ 3ء-بولىمى (كولىك جۇرگىزۋشىسىنىڭ كولىك قۇرالىن الكوگولدىك، ەسىرتكىلىك جانە (نەمەسە) توكسيكوماندىق ماس كۇيىندە باسقارىپ، اپاتتى جاعداي جاساۋ) بويىنشا حاتتامالار تولتىرىلدى.
