«نۇر وتان» پارتياسى جانىنان بۇقارالىق اقپارات قۇرالدارى جونىندەگى قوعامدىق كەڭەس قۇرىلدى، - دەپ حابارلايدى «قامشى» پورتالى پارتيانىڭ باسپا ءسوز قىزمەتىنە سىلتەمە جاساپ.

پارتيا ءتوراعاسىنىڭ ءبىرىنشى ورىنباسارى اسقار مىرزاحمەتوۆتىڭ ۇسىنىسىمەن كەڭەسكە ەلدەگى جەتەكشى ب ا ق باسشىلارى ەنىپ وتىر. ازىرگە كەڭەس قۇرامىنا ەنگەن قازاقستان جۋرناليستەر وداعىنىڭ تقراعاسى سەيىتقازى ماتايەۆ، «ەگەمەن قازاقستان» گازەتىنىڭ پرەزيدەنتى ساۋىتبەك ءابدىراحمانوۆ، «قازاقستانسكايا پراۆدا» گازەتىنىڭ باسشىسى الەكساندر تاراكوۆ، «Central Asia Monitor» گازەتىنىڭ باس رەداكتورى بيگەلدى عابدۋللين، «قازاقستان» ۇلتتىق تەلەارناسىنىڭ باسشىسى نۇرجان مۇحامەدجانوۆا مەن «نۇر مەديا» حولدينگىنىڭ باس ديرەكتورى جاناي وماروۆتىڭ ەسىمدەرى بەلگىلى.

كەڭەستە وتاندىق باق-تىڭ ماڭىزدى پروبلەمالارى تالقىلانىپ، ولاردى شەشۋ جولدارى قاراستىرىلماقشى ەكەن. العاشقى وتىرىستا كەڭەس مۇشەلەرى داعدارىس جاعدايىنداعى ب ا ق جۇمىسى، اقپاراتتىق ساياسات ماسەلەلەرىن تالقىلادى. ايماقتىق گازەت-جۋرنالدار مەن مەملەكەتتىك تىلدەگى سايتتارعا قولداۋ كورسەتۋ جايىنا نازار اۋدارىلدى.

اسقار مىرزاحمەتوۆتىڭ ۇسىنىسىمەن كەلەسى باسقوسۋدا مەملەكەتتىك اقپاراتتىق ساياسات اياسىنداعى مەملەكەتتىك تاپسىرىس ماسەلەسى تالقىلاناتىن بولىپ شەشىلدى.