رەجيسەر ەرمەك تۇرسىنوۆ سيۋجەتتىڭ مازمۇنىن قۇپيا ساقتاۋدى ۇيعارىپتى. تەك بۇل ازىلگە تولى اقىلدى كارتينا بولماق. «ينتريگا ساقتالعانىن قالايمىن. بارلىعى كينوتەاترعا بارىپ، ءبىر كۇلىپ السىن. بۇل حالىقتىق كومەديا بولماق. «ماحاببات جانە كوگەرشىن» فيلمىندەگى ازىلدەرگە ۇقسايدى. سول كينونىڭ قازاقشاسى دەۋگە بولادى. ءازىل جاستارعا دا، ۇلكەندەرگە دە ارنالعان. ەشقانداي ەرسى قالجىڭ بولمايدى. بۇل – مەيىرىمدى كومەديا»، - دەيدى تۇرسىنوۆ.
«كەمپىر» كارتيناسى ناۋرىز مەرەكەسى قارساڭىندا كينوتەاترلاردان كورسەتىلمەك. فيلمدەگى باستى رولدەردى «تاماشا» شوۋ-باعدارلاماسىنىڭ ءارتىسى قادىربەك دەمەسىن مەن «قيىلىس» سەريالى ارقىلى تانىمال عازيزا ابدىنابييەۆا سومدايدى. سونىمەن قاتار، ءاسانالى ءاشىموۆ تە بۇل كارتينادا ويناعان.
«بۇل ادامداردى قولداۋ، ولاردىڭ كوڭىل-كۇيىن كوتەرۋ، ولاردى كۇلدىرۋ ماقساتىندا ءتۇسىرىلدى. سونداي-اق، ۇلىستىڭ ۇلى كۇنىنە ارنالعان تارتۋ» ، - دەيدى رەجيسسەر.
ايتا كەتۋ كەرەك، «كەمپىر» ءفيلمى وتكەن جىلدىڭ جازى مەن كۇزىندە الماتى قالاسى مەن وبلىسىندا ءتۇسىرىلدى.
