قازاقستان ۇلتتىق بانكىنىڭ ءتوراعاسى دانيار اقىشيەۆ بۇگىن ەۋرازيا ەكونوميكالىق وداققا (ەاەو) مۇشە ەلدەر ورتاق ۆاليۋتا قۇرۋ ماسەلەسىن قاراستىرىپ جاتقان جوق دەپ مالىمدەدى، - دەپ حابارلايدى «قامشى» پورتالى.

"وداق قىزمەتىنىڭ نەگىزى سانالاتىن كەلىسىمدە ەاەو ەلدەرىندە مەملەكەتارالىق ۆاليۋتا ەنگىزۋ تۋرالى ەشقانداي ەرەجە جوق. سوندىقتان مۇنداي شارالار تالقىلانبايدى"، - دەدى اقىشيەۆ بۇگىن الماتىدا وتكىزگەن باسپا ءسوز جيىنىندا.

وسى ايدىڭ باسىندا قازاقستان پرەزيدەنتى نۇرسۇلتان نازاربايەۆ تا وسىعان ۇقساس مالىمدەمە جاساعان. "ءقازىر بۇل ماسەلە كۇن تارتىبىندە جوق" دەگەن نازاربايەۆ 13 جەلتوقساندا رەسپۋبليكالىق تەلەارنالاردان كورسەتىلگەن مەملەكەتتىك اقپارات قۇرالدارىنا بەرگەن سۇحباتىندا.

بۇعان دەيىن رەسەيلىك دەپۋتات، مەملەكەتتىك دۋمانىڭ تمد ىستەرى، ەۋرازيالىق ينتەگراسيا جانە وتانداستارمەن بايلانىس كوميتەتىنىڭ ءتوراعاسى لەونيد سلۋسكيي ەاەو ەلدەرىنە ورتاق ۆاليۋتا شىعارۋ جۇمىسى "اۋىر بولسا دا، ءجۇرىپ جاتقانىن" مالىمدەگەن. ونىڭ سوزىنشە، ورتاق اقشا ەۆراز دەپ اتالۋى مۇمكىن.

ەاەو 2015 جىلعى قاڭتاردان باستاپ جۇمىس ارەكەت ەتۋدە. ءقازىر وداققا رەسەي، قازاقستان، بەلارۋس، قىرعىزستان جانە ارمەنيا مۇشە.