رەسەيلىك بانكتەردىڭ قازاقستانداعى ەنشىلەس كومپانيالارى اقش جاريالاعان سانكسيالىق تىزىمگە ەندى، - دەپ حابارلايدى «قامشى» پورتالى.
اتالعان ءتىزىم 22 جەلتوقسان كۇنى جاريالانعان بولاتىن. سانكسيالىق شەكتەۋلەرگە «ۆتب» مەن «سبەربانك» بولىمشەلەرى دە ءىلىنىپ وتىر. اتالعان بانكتەردىڭ، قازاقستاننان باسقا ارمەنيا، اۆستريا، بەلورۋسسيا، ۋكرانياداعى ەنشىلەس بانكتەرى جانە بەلورۋسسيا، شۆەيساريا مەن ۋكرايناداعى فيليالدارى دا قارا تىزىمگە ەنگىزىلگەن.
ال، «سبەربانك» باسشىلارى بۇل سانكسيالىق ءتىزىمنىڭ كەڭەيۋى بانك جۇمىسىنا ايتارلىقتاي ىقپال ەتپەيتىنىن، 2014 جىلعى قىركۇيەكتە بانككە قويىلعان سانكسيالىق شەكتەۋلەر بارلىق بولىنىستەرگە تارالاتىنىن ايتقان. «ۆتب» جەتەكشىلەرى دە اقش سانكسيالارى بانك كليەنتتەرىنە ەشقانداي قولايسىزدىق تۋعىزبايدى دەپ وتىر.
