بيىل قازاقستاندىقتاردىڭ جاڭا جىل مەرەكەسىن اتاپ وتۋگە ارنالعان ورتاجا «بيۋدجەتى» 15240 تەڭگەنى قۇرايدى. بۇل بىلتىرعى مەرەكەدەگى كورسەتكىشتەن 13 پايىزعا تومەن، - دەپ حابارلايدى «قامشى» پورتالى «Kompetenz» ساقتاندىرۋ كومپانياسىنا سىلتەمە جاساپ.

كومپانيا جۇرگىزگەن ساۋالناماعا الماتى مەن استانا قالالارىنىڭ 18-65 جاس ارالىعىنداعى تۇرعىندارى قاتىسقان ەكەن.

سۇراۋعا قاتىسۋشىلاردىڭ 18 پايىزى سىيلىققا بالالار ويىنشىقتارىن الۋدى قۇپ كورسە، 15 پايىزى كونديتەرلىك ونىمدەر الاتىندارىن ايتقان. ساۋالناماعا قاتىسۋشىلاردىڭ 12 پايىزى پارفيۋم ونىمدەرى مەن كوسمەتيكالىق قۇرالداردى تاڭداسا، رەسپوندەنتتەردىڭ 10 پايىزى تۇرمىستىق تتەحنيكا مەن زامانعا ساي گادجەتتەر سىيلايمىز دەسە، 5 پايىزى سىيلىق سەرتيفيكاتتارىن سىيلاعاندى ءجون كورەدى. ساۋالناماعا قاتىسقانداردىڭ نە ءبارى 2 پايىزى ءسان بۇيىمدارىنا تاڭداۋ جاساعان.

ال، رەسپوندەنتتەردىڭ 29 پايىزى بۇل مەرەكەدە ەشكىمگە سىيلىق جاسامايتىنىن اشىق ايتسا، 7 پايىزى ءوز قولىمىزدان ازىرلەنگەن توسىن سىي جاسايمىز دەپ جاۋاپ بەرۋدەن قۇتىلعان.