«بريز-م» جۇردەك بلوگى مەن «ەكسپرەسس-امۋ1» تەلەكوممۋنيكاسيالىق عارىش اپپاراتى بار «پروتون-م» زىمىران تاسىعىشى 25 جەلتوقساندا استانا  ۋاقىتىمەن تۇنگى ءۇش جارىمدا «بايقوڭىر» عارىش ايلاعىنان ۇشىرىلادى، - دەپ حابارلايدى «قامشى» پورتالى يتار-تاسس تاراتقان مالىمەتتەرگە سىلتەمە جاساپ.

«جوسپار بويىنشا سارسەنبىدەن بەيسەنبىگە قاراعان ءتۇنى ۇشىرىلۋى ءتيىس «پروتون-م» زىمىران تاسىعىشىنىڭ كومەگىمەن «ەكسپرەسس-امۋ1» عارىش اپپاراتىن ۇشىرۋ ءبىر تاۋلىككە شەگەرىلدى، - دەپ حابارلايدى يتار-تاسس روسكوسموسقا سىلتەمە جاساپ.

جوسپاردىڭ اۋىسۋىنا بايقوڭىر عارىش ايلاعىنداعى كۇن رايىنىڭ قولايسىزدىعى سەبەپ بولعان – جەلدىڭ كۇشى بەلگىلەنگەن شەكتەن اسىپ كەتتى، - دەپ ءتۇسىندىردى روسكوسموستان.

«ەكسپرەسس-امۋ1» اپپاراتىن ەۋروپالىق Astrium كونسەرنى دايىنداعان. جەر سەرىگى رەسەي، ەۋروپا جانە افريكانىڭ اۋماعىنا قىزمەت كورسەتەدى. عارىش اپپاراتى 15 جىل بويى پايدالانىلادى دەپ جوسپارلانۋدا.

 «قامشى» سىلتەيدى