بيىل قاراشادا دومينيكاندىق باتيستانى ۇرىپ جىققان قازاق كاسىبي بوكسشىسىنىڭ كەلەسى كەزدەسۋى قاڭتار ايىنىڭ 15ء-ى مەن 20-ى ارالىعىنا جوسپالانۋدا، - دەپ حابارلايدى «قامشى» پورتالى.

«ۋاقىتتى بوس وتكىزبەيمىز. ويتكەنى، كەلەر ايدا جوسپارلار بار. امەريكاداعى كوماندام، پروموۋتەرلارىم، جاتتىقتىرۋشىلارىم ءقازىر سول جۇمىستارمەن سويلەسىپ جاتىر. ەندىگى قارسىلاستى كولۋمبيادان WBA ماماندارى ۇسىنىپ جاتىر»، – دەيدى قانات يسلام. سەبەبى، قانات ءقازىر وسى تۇجىرىم بويىنشا ۇزدىك بەستىكتىڭ قاتارىندا تۇر. بيىل اتاقتى پروموۋتەر ەل حەيمونمەن كەلىسىمشارتقا وتىرعان جەرلەسىمىزدىڭ جەكپە-جەكتى قازاقستاندا وتكىزۋ جوسپارى دا جوق ەمەس.

«مۇمكىن بولسا وسى الماتى، استانادا 21ء-شى كەزدەسۋىمدى وتكىزۋگە ۇسىنىستار بار. قىتايدا، رەسەيدە وتكىزۋ تۋرالى دا ۇسىنىستار بولدى، - دەيدى ول.

ورتا سالماقتا WBA FedeCaribe تۇجىرىمى بويىنشا «التىن بەلدىكتى» يەلەنگەن يسلام بۇعان دەيىنگى 20 كەزدەسۋدىڭ بارلىعىن دا ايقىن ۇتتى.