قازاقستاندا اۆتوموبيل ءوندىرىسى ءۇش ەسەگە ازايدى، - دەپ حابارلايدى «قامشى» پورتالى Tengrinews.kz -كە سىلتەمە جاساپ.

2014 جىلدىڭ قاڭتار-قاراشا ايلارىندا ەلىمىزدە 33 مىڭ جەڭىل اۆتوموبيل شىعارىلعان. ال 2015 جىلى وسى ۋاقىت ارالىعىندا ءوندىرىس سانى 10،8 مىڭعا دەيىن قىسقاردى. بۇعان 2014 جىلدىڭ ەكىنشى جارتىسىندا رۋبل باعامىنىڭ تومەندەۋىنەن قازاقستاندا جەڭىل اۆتوموبيلدەردىڭ كوبەيۋى سەبەپ بولىپ وتىر.

"ءبىر جىلدىڭ وزىندە رەسپۋبليكالىق اۆتوپارك 1،2 ميلليون ماشيناعا كوبەيدى. اۆتوموبيل سانىنىڭ ءوسۋ قارقىنىنا تەڭگە باعامىنىڭ تومەندەۋى دە اسەر ەتكەن جوق"، - دەپ حابارلادى باسىلىم وكىلدەرى.

ءقازىر جەڭىل اۆتوموبيلدەردىڭ 95 پايىزى جەكەمەنشىك رەتىندە تىركەلگەن. دەگەنمەن رۋبل باعامى تۇسكەن كەزدە كورپوراتيۆتىك اۆتوموبيل يەلەرى دە اۆتوپاركتەگى ۇلەسىن 3-تەن 5 پايىزعا دەيىن كوبەيتىپ الدى. "سونىمەن قاتار، جاڭا اۆتوموبيلدەردىڭ دە سانى ارتتى. ءۇش جىل ىشىندە كونە اۆتوموبيلدەردىڭ ۇلەسى 80 پايىزدان 64-كە قىسقارعان. ال جاڭا اۆتوموبيلدەر ۇلەسى 3-تەن 15 پايىزعا ارتتى"، - دەلىنگەن باسىلىم ساراپتاماسىندا.

ەلىمىزدە ەڭ كوپ تارالعان اۆتوموبيلدەر قوزعالتقىشتارىنىڭ كولەمى 1،5-2 تەكشە مەتر كولىكتەردىڭ ۇلەسىندە قالدى. سوڭعى ءۇش جىلدا ولاردىڭ سانى ەكى ەسەگە وسسە، اۆتوپاركتەگى ۇلەسى 39،7-دەن 42،3 پايىزعا دەيىن جوعارىلادى. سۇرانىس از كولىكتەرگە قوزعالتقىش كولەمى 1،1 شارشى مەتر اۆتوموبيلدەر جاتادى. مۇنداي كولىكتەر ەلىمىزدە نەبارى 1 پايىزدى عانا قۇرايدى. دەگەنمەن سوڭعى كەزدە مۇنداي اۆتوموبيلدەرگە دە سۇرانىس ارتىپ كەلەدى. ەلىمىزدە جىلدام كوبەيىپ جاتقاندارعا قوزعالتقىش كولەمى 4،0 شارشى مەتردەن جوعارى اۆتوموبيلدەردى جاتقىزۋعا بولادى. ولاردىڭ سانى سوڭعى ءۇش جىلدا شامامەن 80 پايىزعا وسكەن.