بۇگىن قازاق ينتەرنەت كەڭىستىگىندە وزىندىك ورنى بار «ادەبيەت پورتالىنىڭ» اشىلعانىنا ەكى جىل تولىپ وتىر، - دەپ حابارلايدى «قامشى» پورتالى.

قازاق، ورىس، اعىلشىن جانە تۇرىك تىلدەرىندە قىزمەت كورسەتەتىن «قازكونتەنت» اكسيونەرلىك قوعامىنىڭ بىرەگەي جوباسى - www.adebiportal.kz تۇساۋىن قازاقستان رەسپۋبليكاسىنىڭ پرەزيدەنتى جانىنداعى ورتالىق كوممۋنيكاسيالار قىزمەتى بازاسىندا ق ر پارلامەنتى سەناتىنىڭ دەپۋتاتى، قازاقستان جازۋشىلار وداعىنىڭ ءتوراعاسى، اقىن، دراماتۋرگ نۇرلان ورازالين، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى ءۋاليحان قاليجان ۇلى جانە استانا قالاسىنداعى زيالى قاۋىم وكىلدەرى كەسكەن بولاتىن.

بۇگىندە بۇل ادەبي پورتال ءوز وقىرماندارىن تاۋىپ، ۇلكەن ادەبي الاڭعا اينالدى، ادەبيەت سۇيەر قاۋىمنىڭ كوزايىمى بولىپ، كوپشىلىكتىڭ كوڭىلىنەن شىقتى.

ايتا كەتەيىك، وسى كۇنگە دەيىن «ادەبيەت پورتالىنا» ءتورت تىلدە 3 336 ەلەكتروندى كىتاپ جۇكتەلىپ، 3 180 اۆتوردىڭ جەكە پاراقشاسى اشىلعان، 200-گە تارتا كىتاپتاردىڭ قىسقاشا مازمۇنى، 600-دەن استام ادەبيەت تاقىرىبىنداعى اۋديو-ۆيدەو ورنالاستىرىلعان جانە 1 495 بلوگەر پورتالعا ءوز شىعارمالارىن وزدەرى قويىپ، وقىرمانمەن كەڭىنەن بولىسۋگە مۇمكىندىك الدى. سونىمەن قاتار، پورتال ادەبيەت الەمىندە كۇندەلىكتى بولىپ جاتقان جاڭالىقتاردى ۇزدىكسىز جاريالاپ، اقىن-جازۋشىلارمەن تۇراقتى سۇحبات جۇرگىزىپ، ولاردىڭ سياسى كەپپەگەن شىعارمالارىن دەر كەزىندە وقىرمانعا ۇسىنىپ وتىر. پورتالعا اپتاسىنا 50-60 مىڭ، ايىنا 150-200 مىڭ وقىرمان كىرەدى.