بۇگىندە ۋكراينانىڭ توڭىرەگىندە قالىپتاسقان جاعداي قازاقستانعا دا ءبىر قاتىسى بار. 1994 جىلى 5 جەلتوقساندا بۋداپەشت قالاسىندا قول قويىلعان مەموراندۋمدا تەك ۋكراينا ەمەس، سونىمەن قاتار بەلورۋسسيا مەن قازاقستانعا دا ولاردىڭ قاۋىپسىزدىگى، ەگەمەندىگى، تەرريتوريالىق تۇتاستىعىنا كەپىلدىك بەرىلگەن بولاتىن. بۇل كەپىلدىكتى رەسەي، اقش، ۇلىبريتانيا وسى ءۇش پوستكەڭەستىك رەسپۋبليكالاردىڭ يادرولىق قارۋدان ءوز ەرىكتەرىمەن باس تارتۋىنا بايلانىستى بەرگەن بولاتىن. ەندى مىنە بۇگىن قىرىم اينالىسىندا اسكەري جاعدايدى جاساندى تۇردە شيەلەنىستىرۋگە باعىتتالعان اراڭداتۋشىلىق ارەكەتتەر وسى كەپىلدىكتەردىڭ بەرىكتىگىنە كۇمان تۋعىزادى. ال بۇل مەموراندۋم حالىقارالىق، ايماقتىق جانە ۇلتتىق قاۋىپسىزدىكتىڭ قۇقىتىق ءبىر نەگىزدەرى رەتىندە ەسەپتەلەدى. كەلىسىمشارتتىڭ قابىلدانعانىنا بار بولعانى جيىرما جىل اق ءوتتى.