بەلگىلى تۇرىك ءانشىسى سيۋمەر يزگيۋ قازاقتىڭ حالىق ءانى «قاماجايدى» ەرەكشە ىقىلاسپەن ورىنداعانى سونشالىق، ونىڭ ونەرىنە جۇزدەگەن وتانداسىمىز ءتانتى بولدى، دەپ حابارلايدى «ەكسپرەسس-ك» باسىلىمى. سيۋمەر يزگيۋدىڭ ساحناداعى ورىنداۋى الدىمەن YouTube ارقىلى تانىلىپ، كەيىن «قاماجاي» Facebook جەلىسىندە جاريالاندى. ارانجيروۆكادا وڭدەلگەن ءاننىڭ تاماشا شىققانى سونشالىق، كوپتەگەن قازاقستاندىقتار وزدەرىنىڭ حالىق اندەرىن قايتا تانىعانداي بولدى.
سيۋمەر يزگيۋ - اتى الەمگە ايگىلى ءانشى. ونىڭ كونسەرتتەرى گەرمانيا، يتاليا، اقش، بەلگيا جانە شۆەسيا ەلدەرىندە ءجيى ءوتىپ تۇرادى. «ونەر يەسىنىڭ قازاقستانداعى فاناتتارى ءارتىستى ەلگە قوناققا شاقىرۋدى تالاپ ەتىپ وتىر»، - دەپ اتاپ ءوتتى باسىلىم.
قازاقپارات
