يران استاناسى تەگەراندا ساۋد ارابياسىنىڭ يراندا اتى تانىمال، شيىتتىك اعىمنىڭ ۋاعىزشىسى نيمر ءال-نيمردىڭ جازالانۋىنا قارسى ەرەۋىلدەر كۇشەيىپ كەتتى، - دەپ حابارلايدى «قامشى» پورتالى 24-ارناعا سىلتەمە جاساپ.
تەگەرانداعى ساۋد ارابياسى ەلشىلىگىنىڭ الدىنا جيىلعاندار عيماراتقا باسا كوكتەپ كىرىپ، جانعىش سۇيىقتىق قۇيىلعان ىدىستار لاقتىرىپ، ەلشىلىكتى ورتەپ جىبەردى. وقيعا ورنىنا كەلگەن يراننىڭ سىرتقى ىستەر ءمينيسترى نارازى توپتى ەلشىلىك قىزمەتىنە قۇرمەتپەن قاراۋعا شاقىرىپ، ەر-ريادتىڭ ۋاعىزشىنى جازاعا تارتقان شەشىمىنە رەسمي تۇردە قارسى ەكەندىكتەرىن مالىمدەدى. جەرگىلىكتى ءتارتىپ ساقشىلارى بۇزاقىلاردى ەلشىلىك عيماراتىنان الىپ شىققان. دەگەنمەن وندا جينالعاندار سانى ازاياتىن ءتۇرى جوق. ءوز كەزەگىندە ەر-ريادتاعىلار يراننىڭ بۇل ارەكەتىن ساۋد ارابياسىنىڭ ىشكى ىستەرىنە ارالاسۋ دەپ باعالاپ وتىر.
