قۇدايعا سەرىك قوسپايتىن قازاقتا سەرىكتەر بارشىلىق. پريمەرنو پرەمەر سەرىك احمەتوۆ پەن مەنىڭ تۋعان اعام سەرىك سارىبايەۆتاردىڭ اراسىندا ءبىرشاما سەرىكتار بار. قۇدايعا قوسپاساق تا ءابىشۇلىنا قوسۋعا بولاتىن شىعار. ەلباسىمىزدىڭ سەنىمدى سەرىگى بولعان سەرىك ابىكەن ۇلى ۇمبەتوۆ تا بار. دەمەك، قازاق سەرىككە كەندە ەمەس. سول سەرىكتەردىڭ ىشىندە قازاق تەلەجۋرناليستيكاسىندا وزىندىك قولتاڭبالارىن قالدىرعان ءۇش سەرىك بار. سەرىك جانبولات، سەرىك ابىكەن ۇلى، سەرىك اباس-شاح.وسى ءۇش سەرىكتىڭ ىشىندەگى اباسوۆتى - "جۇلدىزدار فابريكاسى" دەۋگە بولادى. بەكجان تۇرىس، دۋلىعا اقمولدا، شىنار جانىسبەكوۆالاردان باستاپ بۇگىنگى مەگا-جۇلدىز بەيسەن قۇرانبەك اعامىزدىڭ ارالىعىنداعى ءبىراز قازاقتىڭ جۇلدىزىنىڭ جانۋىنا سەبەپكەر بولدى. اقتالماعان ءۇمىتى سالامات وماش ەكەۋمىز عانا. ول ەندى ءوزىمىزدىڭ سورىمىز... "مەنىڭ اتىم - قوجاداعى" راحمانوۆ اعاي مايقانوۆاعا - مەن سۇلتاننىڭ شامشىراعىن جاعا المادىم،-دەۋشى ەدى عوي. سودان سوڭ قوجا جينالىسقا ءتۇسىپ جاتقاندا مايقانوۆا مىسقىلداپ: شامشىراعىڭىز جاندى ما؟ دەۋشى ەدى عوي. مەن سول قوجا سياقتى، سۇلتان سياقتى شامشىراعى جانىڭقىراعان شاكىرتتەرىنىڭ، دوستارىنىڭ اتىنان قۇتتىقتاپ وتىرمىن. جانتاستار وزدەرى-اق قۇتتىقتاپ ۇلگەرگەن بولار.

بۇل كىسىنىڭ نەگىزگى تۋعان كۇنى 29 اقپان. (كىبىسە جىلى تۋعان عوي) بۇگىن 28-اقپان. ەرتەڭ-1 ناۋرىز. دەمەك 23:59 28 اقپان بولاپ، 00:01 1 ناۋرىز بولىپ سانالار. وسى ەكى ارالىقتاعى 00:00-دەگى تۋىلعان كۇنىڭىز قۇتتى بولسىن اعا. باستىڭ اماندىعى مەن باۋىردىڭ بۇتىندىگى ءبىرىنشى كەزەكتە، ارينە. ءبىرىنشى تىلەك سول بولسىن. ەكىنشى تىلەك شىعارماشىلىق جەتىستىك. وسى ەكى تىلەكتى تىلەدىم. اللادان اماندىق سۇرايىق. باسقاسىن ءوزىڭىز جاساپ الاسىز. *** حاباردا باسقا ەمەس شاح بولدى اڭىز. سول شاحقا ءبىز دە ءبىر كۇن تاپ بولعامىز. ءسىزدىڭ دە ايتارىڭىز بولىپ جاتسا، ،،،،،،50 77-گە حات جولداڭىز. ءبىز ەندى ايتار بولساق بەتكە ايتامىز. بۇندايدا باسقا ەمەس، ھاق قولداڭىز. ال، اعا سىزگە ايتار تىلەگىمىز - ەشقاشان جاماندىققا تاپ بولماڭىز. سەكەمسىپ سويلەيتىندەر از ەمەس قوي، ءسىز اركەز ءدال وسىلاي ساق بولماڭىز. سۇلۋدى سۇيمەك سۇننەت بولعانىمەن، جەڭگەيدەن باسقا جانعا ب ا ق بولماڭىز. ادالداردان ارميا جاساقتاڭىز، ارامدارعا ەشقاشان جاق بولماڭىز. جاقسىنىڭ جاتتىعى جوق دەيدى قازاق، قازاقتا ەشبىر جانعا جات بولماڭىز. ازبانداي ارقىراعان قايران سەكە، وتىنەم، قامىت كيگەن ات بولماڭىز. بۇل ءومىر شاحماتتىڭ تاقتاسى عوي، شاح كوكە ەشقاشاندا مات بولماڭىز!