بەلگىلى ۇلت جاناشىرلارى مۇحتار تايجان، ايدوس جۇقان ۇلى، قاسىم امانجول ۇلى الماتى قالاسى، تىلدەردى دامىتۋ، مۇرعاتتار جانە قۇجاتتاما باسقارماسىنا الماتى قالاسىنداعى ميرزويان كوشەسىنىڭ اتىن وزگەرتۋ تۋرالى حات جازعان ەكەن. وعان باسقارمادان قانداي جاۋاپ كەلگەنىن قاراڭىز:
ال، مۇندا اتالعان ميرزويان كىم ەدى؟ ۋاليحانوۆ ينستيتۋتى نە ايتىپ وتىر؟ زەر سالايىق: ليەۆون يسايەۆيچ ميرزويان، 1933-1938 جىلدار ارالىعىندا قازاقستان ورتالىق پارتيا كوميتەتىنىڭ ءبىرىنشى حاتشىسى بولعان. ول ساياسي قۋعىنداۋمەن قاتار، جوسپارلى جۇزەگە اسىرىلعان اتۋ-اسۋ شارالارىن اتقارعان ميرزويان ەدى. قازاقستاندا باسشىلىقتا بولعان جىلدارىندا 1760 قازاقتى مەرت قىلعان. ياعني 5 جىلدان استام ۋاقىتتا كۇن سايىن ءبىر قازاقتى قۇرباندىققا شالىپ وتىرعان دەۋگە كەلەدى.
باسقانى قويشى، دارداي اتى بار ءۋاليحانوۆ اتىنداعى ينستيتۋت نە ايتىپ وتىر؟ "ل.ي.ميرزويان اتىنداعى كوشەنى وزگەرتۋ ماسەلەسىندە، بىرىنشىدەن، اسىقپاعان ءجون. ەكىنشىدەن، زاڭناماعا سايكەس ول بويىنشا ونوماستيكالىق كوميسسيا شەشىم قابىلداۋى كەرەك" دەپتى عالىمدار. ەندەشە، وزدەرى ايتقانداي "قازاقستانداعى اشارشىلىق زارداپتارىن جەڭۋگە ۇلكەن ەڭبەك سىڭىرگەن" ميرزويان مىرزانىڭ اتىن الماتى قالاسىنىڭ كوشەسىنە ەمەس ينستيتۋتتارىنىڭ اتىنا قويعانى ءجون. ويتكەنى ءۋاليحانوۆ اتىن كوتەرە المايتىنى جوعارىداعى ەمەۋرىندەرىنەن-اق كورىنىپ تۇر.
