«اسا قىمباتتى» اسسامبلەيامىزدىڭ 19 جىلدىعىنا ارنالعان جيىن وتۋدە. اتى دارداي: قازاقستان حالقى اسسامبلەياسى! وسى اسسامبلەيانىڭ اسسامبلەيا بولعالى مەملەكەتتى قۇرۋشى ۇلت پەن ەلىمىزدەگى دياسپورالار اراسىنداعى شەتىن وقيعانىڭ بىرىنە ارالاسىپ، باسالقى ءسوز ايتىپ، ارااعايىندىق جاساعانىن كورمەپپىن. شىندىعىندا، ەل ىشىندە ەلشىلىك قىزمەت اتقارىپ، قازاق دالاسىنا ءبىر كەزدەرى ارىپ-اشىپ جەتىپ، ادام قاتارىنا قوسىلىپ، امان قالعانداردىڭ ۇرپاعىنا: «شاڭىراققا قاراي جۇرىڭدەر، شىراقتار»، - دەپ وتىراتىن وسى ۇيىم ەمەس پە؟ جوق، اسسامبلەياشىلارىمىزدىڭ اۋزىنان ونداي ءسوز شىعا قويمايدى. ەسەسىنە قاراتابان حالىققا قيقىمى دا بۇيىرمايتىن يگىلىكتەردى ارتىعىمەن پايدالانىپ، تەگىن ءدارىس تىڭداپ جالعىزدى جابىلا ماقتاپ، جامىراي سويلەپ تارايدى. شاماسى، بىزگە ديساپورالاردى قازاق ۇلتىنىڭ اينالاسىنا ۇيىستىراتىن شىن ماعىناسىنداعى حالىقتىق، قوعامدىق اسسامبلەيا قۇرۋ كەرەك شىعار...