شىمكەنت قالاسىنىڭ اكىمدىگى مەملەكەتتىك ساتىپ الۋلار پورتالىندا حالىقتىڭ شاھارعا دەگەن سۇيىسپەنشىلىگىن ارتتىرۋ ءۇشىن 7 ميلليون تەڭگەلىك لوت جاريالادى، - دەپ حابارلايدى «قامشى» پورتالى.
اكىمدىك قالاعا دەگەن سۇيىسپەنشىلىكتى ناسيحاتتاۋ جۇمىستارىنا 7 ميلليون تەڭگە جۇمساماق ەكەن.
سونداي-اق، پورتالدا قالا اكىمدىگىنىڭ جۇمىسى تۋرالى جاريالانىمدار ءۇشىن 9 ميلليوننان ارتىق قاراجات ءبولۋ قاراستىرىلعان.
بۇدان باسقا، شىمكەنت قالاسى اۋماعىندا جاستار ساياساتىن ناسيحاتتاۋ مەن جاستار ۇيىمدارىنىڭ جۇمىسىن كورسەتۋگە 1 875 مىڭ تەڭگە جۇمساۋ كوزدەلۋدە.
جالپى، مەملەكەتتىك ساتىپ الۋلار پورتالىندا جاريالانعان قوماقتى لوتتار ءبىر بۇل ەمەس. بۇعان دەيىن، ىشكى ىستەر مينيسترلىگى اتالعان پورتالعا گەنەرال پوگوندارىن ساتىپ الۋ ءۇشىن 2 ميلليون تەڭگەلىك لوت ورنالاستىرعان ەدى.
