سەمەيدە ەرتىس وزەنىندەگى اسپالى كوپىردەن سەكىرىپ كەتكەن ەر ادام ءتىرى قالدى، - دەپ حابارلايدى "قامشى" پورتالى  Tengrinews.kz-كە سىلتەمە جاساپ.

وقيعا 6 قاڭتاردا كۇندىزگى ۋاقىتتا بولعان. تج جونىندەگى باسقارماعا ەر ادامنىڭ اسپالى كوپىردەن سەكىرگەنى جايلى حابار كەلىپ تۇسكەن. بولعان وقيعا جايلى سەمەي اۆتوموبيليستەرى قوعامدىق بىرلەستىگىنىڭ بەلسەندىلەرى حابارلاعان.

"ءبىزدىڭ بەلسەندى قاتىسۋشىلارىمىز قالانى اينالىپ جۇرەدى. سولار بۇگىن ءبىر ادامنىڭ كوپىرگە شىعىپ العانىن كورگەن. بۇدان كەيىن توقتاپ، قىزمەتكەرلەرگە حابارلاسىپ، ولار ءوز كەزەگىندە جەدەل ارەكەت ەتىپ، ادامدى قۇتقارىپ قالدى"، - دەدى بىرلەستىكتىڭ ءوراعاسى بولات جۇنىسبايەۆ. 

كۋاگەرلەردىڭ مالىمەتىنشە، ەر ادام سۋعا تۇسكەن. ول وزەن بويىنداعى كىشىگىرىم ارالدىڭ ۇستىنە قاراي ءجۇزىپ بارىپتى دا بىرنەشە مەتر جۇرگەننەن كەيىن سۋىقتاپ، قۇلاپتى. "ونىڭ قاتتى سۋىقتاپ قالعانى كورىنىپ تۇردى، قولدارى تارتىلىپ قالعانداي ەدى"، - دەيدى كۋاگەرلەر.