ق ر ۇكىمەتىنىڭ قاۋلىسىنا سايكەس 2015 جىلدىڭ 1 قاڭتارىنان باستاپ 2016 جىلدىڭ 1 قاڭتارىنا دەيىن جامبىل وبلىسى اۋماعىندا ەرىكتى جانە اقىلى تۇردە قارۋ-جاراقتاردى تاپسىرۋ اكسياسى جۇرگىزىلدى، - دەپ حابارلايدى «قامشى» پورتالى BNews.kz-كە سىلتەمە جاساپ.

جامبىل وبلىسىنىڭ ءىىد ۇسىنعان مالىمەتىنشە، 2015 جىلدىڭ 1 قاڭتارىندا ايماقتا 1631 قارۋ تىركەلگەن. ونىڭ ىشىندە 517 وق اتاتىن، 1114 گازدى تراۆماتيكالىق قارۋ بار.

2015 جىلدىڭ 1 قاڭتارىنان 31 جەلتوقسانىنا دەيىن جەرگىلىكتى تۇرعىندار تاراپىنان 1637 ءوتىنىش ءتۇسىپ، ەرىكتى تۇردە 1637 تراۆماتيكالىق قارۋ تاپسىرىلدى.

قارۋلاردى قابىلداعان كوميسسيا شەشىمىمەن 82 ملن 80 مىڭ تەڭگەگە 1610 قارۋ ساتىپ الىندى. 77 ملن 797 مىڭ تەڭگە تولەنىپ قويدى. قالعان قارۋدىڭ اقشاسىن 2016 جىلى بەرەتىن بولادى.

تىركەۋ مەرزىمى بۇزىلعان 50 قارۋ تاپسىرىلىپ، ولاردىڭ يەلەرى اكىمشىلىك جاۋاپقا تارتىلدى. ايىپپۇل كولەمى 258 مىڭ تەڭگەنى قۇرادى.

2016 جىلدىڭ 1 قاڭتارىنا دەيىن تراۆماتيكالىق قارۋدى تاپسىرماعان ازاماتتار ق ر قك 287 بابىنا سايكەس جاۋاپقا تارتىلادى.