جاڭا تۋعان نارەستە تاراز قالاسىنىڭ ىرگەسىندە ورنالاسقان قوعامدىق دارەتحانالاردىڭ بىرىنەن تابىلعان. ونى سول ماڭنان كەزدەيسوق وتكەن كولىك جۇرگىزۋشىلەرى بايقاپ قالىپتى. بۇل تۋرالى «قامشى» پورتالى sn.kz-كە سىلتەمە جاساپ حابارلايدى.

قازىرگى تاڭدا پوليسيا ءسابيىن دارەتحانادا بوسانعان كوكەك انانى ىزدەستىرۋ ۇستىندە.

بالانى تاۋىپ العان كۋاگەرلەردىڭ ايتۋىنشا، ولار دارەتحاناعا كىرگەن كەزدە شۇڭقىر ىشىندە جىبىرلاپ جاتقان دەنەنى بايقاعان. ۇيالى تەلەفوننىڭ جارىعىن ءتۇسىرىپ قاراعان ساتتە ونىڭ ءسابي ەكەنىن انىق كورىپتى. نارەستە قيمىلداپ جاتقانىمەن ءۇن شىعارۋدان قالعان ەكەن دەيدى ولار.

وقيعا ورنىنا پوليسەيلەرمەن بىرگە دەرەۋ جەدەل جاردەم دە كەلىپ جەتى. جاڭا تۋعان بالانى سىرتقا شىعارۋ ءۇشىن قۇتقارۋشىلارعا دارەتحانانىڭ بەتكى قاباتىن بۇزۋعا تۋرا كەلگەن. ابىروي بولعاندا، شارانا ەش جاراقاتتانباي سىرتقا امان-ەسەن شىعارىلدى. ءقازىر دارىگەرلەر ونى قاتاڭ باقىلاۋعا العان، دەنساۋلىعىنا ءقاۋىپ جوق دەيدى.