شىعىس قازاقستان وبلىسىندا دارەتحانا قاعازىن جارنامالاۋدىڭ جاڭا ءادىسى پايدا بولدى، - دەپ جازادى YK-news.kz.
دارەتحانا قاعازدارىنا «مەن سەنى سۇيەمىن، وسكەمەن!»، «مەن سەنى سۇيەمىن، زىريانوۆسك!» دەگەن جاپسىرمالار جاپسىرىلعان.
باسىلىمنىڭ جازۋىنشا، جاڭاشا جارنامالانعان تاۋاردىڭ ساتىلىمى دا كۇرت ارتقان كورىنەدى.
«ەلدى-مەكەن اتتارىن جازىپ ساتۋدى ءبىز وتكەن جىلدىڭ قازان ايىندا باستادىق. بۇل دا تۋعان قالاعا دەگەن سۇيىسپەنشىلىك پەن پاتريوتتىقتىڭ ءبىر ۇلگىسى. يدەيانىڭ ماقساتى ايماق تۇرعىندارى مەن قوناقتارىنىڭ وڭ ەموسياسىن تۋعىزۋ»، - دەيدى كاسىپكەر ەرلان جۇرمۇحامەتوۆ.
سونىمەن قاتار، سەمەي، زايسان، ۇلان، ريددەر، شەمونايحا اتاۋلارىمەن دە دارەتحانا قاعازدارى شىعارىلىپ جاتقان كورىنەدى.
