قايتالاپ ايتامىن، بۇل سوعىس - ورىستى، بۇگىنگە دەيىن بار جيعان-تەرگەن ابىرويىنان(ەگەر بار بولسا) جۇرداي قىلاتىن سوعىس! وسىعان ۇقساس پىكىردى مىنا مەن ەمەس، ورىستىڭ ءوز زيالىلارى ايتىپ وتىر.وعان دالەل، ورىستىڭ بەلگىلى پاتريوت كومپوزيتورى ءارى تانىمال ءانشىسى اندرەي ماكاروۆيچ ايتىپ وتىر. بۇل - ازىرگە عانا. ەرتەڭ ۋكرايناداعى ورىس باسقىنشىلىعى ەتەك العان جاعدايدا، ورىستىڭ وزىق ويلى باسقا زيالىلارى دا ۇندەمەي قالماسى داۋسىز. بۇل رەسەي اسكەرىنىڭ قىرىمداعى باسقىنشىلىعى - جەر بەتىندەگى بارلىق ورىس اتاۋلىنى جەرگە قاراتاتىن سوعىس! ونسىز دا بۇگىنگە دەيىن «ورىس» دەسە، ءبىرىنشى بولىپ كوز الدارىنا موجان-توپاي، جۋان جۇدىرىق، بارىپ تۇرعان جان العىش ازىرەيىل ەلەستەيتىن الەمنىڭ باسقا حالىقتارى ەندى جىلاپ قويماي قويعان بالاسىن: «انە، ورىس كەلە جاتىر!» دەپ ۋاتاتىن بولادى. بۇدان كەيىن، باسقا مەملەكەتتتەردە تۇرىپ جاتقان ورىستار جاپپاي ءوز وتاندارىنا قاشىپ باراتىن بولادى. ءقازىردىڭ وزىندە باتىس ۋكراينادان، شىعىس بولىكتەگى قالالاردان، قىرىمنان 200 مىڭنان استام ورىستار رەسەيگە قاراي اعىلۋدا. اسىرەسە، بۇرىنعى تمد مەملەكەتتەرىندە تۇرىپ جاتقان ورىستارعا دەگەن سەنىمسىزدىك ارتاتىن بولادى. ويتكەنى، رەسەي پرەزيدەنتى: «ءبىز ۋكراينادا تۇرىپ جاتقان قانداستارىمىزعا ءقاۋىپ تونگەننەن كەيىن عانا، امالسىزدان وسى سوعىسقا بارىپ وتىرمىز» دەدى. ول ۋكراين پاتريوتتارىنان ءتونىپ تۇرعان قاۋىپتەن سول مەملەكەتتە تۇرىپ جاتقان باسقا حالىقتاردى قۇتقارۋ تۋرالى ەشتەڭە ايتپادى. وسى پىكىرى ارقىلى-اق، جەرگىلىكتى حالىقتاردى ءوز ورىستارىنا قارسى قويىپ العانىن، بۇل ادام بىلە مە ەكەن؟ سونىمەن بىرگە بۇل ادام بۇگىنگە دەيىن بەدەلىنەن جانە تاعىنان كۇشتەپ تايدىرىلعان، تالاي جازىقسىز جاننىڭ قانىن موينىنا جۇكتەگەن، ءوز مەملەكەتىنەن 12 ملرد اقش دوللارىن ۇرلاپ كەتكەن، سوعان بايلانىستى ونىڭ شەتەلدەردەگى ەسەپ-شوتتارى بۇعۋلانعان، حالىقارالىق ىزدەۋ جاريالانعان، الەمنىڭ بىردە-بىر مەملەكەتى مويىندامايتىن، ءقازىر رەسەيدە باسساۋعالاپ جۇرگەن يانۋكوۆيچتى ءالى دە ۋكراينانىڭ زاڭدى پرەزيدەنتى سانايتىنىن دا اشىق ايتىپ سالدى. ياعني، رەسەي بۇل سوعىسقا ەڭ الدىمەن يانۋكوۆيچ ءۇشىن بارىپ وتىر دەگەن ءسوز! سوڭعى حابارعا قاراعاندا، ازاتكەر ۋكراينانىڭ قارۋلى كۇشتەرى قانداي باسقىنشىلىققا دا تويتارىس بەرە الاتىنداي اسكەري ساقاداي-ساي كۇيدە تۇر. ۋكراينانىڭ ۇلت پاتريوتتارى ەل باسىنا تونگەن مىنا قيىن ساتتە قولۇشتارىن بەرۋگە باتىس ەلدەرىن، اقشتى، ت.ب. مەملەكەتتەردىڭ نازارىن وزدەرىنە اۋدارۋدا. سونىمەن بىرگە ۋكرايىندىقتار رەسەي بودانىنداعى كاۆكاز، شەشەن جانە باسقا ۇلت پاتريوتتارىن ازاتتىق ءۇشىن كۇرەستە ءبىر ساپتان تابىلۋعا ۇندەۋدە. «2015 جىل - رەسەي يمپەرياسىنىڭ بولشەكتەنەتىن جىلى» دەپ، بۇعان دەيىن باتىس ساۋەگەيلەرى ايتىپ جۇرگەندەي، ءتۇبى بۇل باسقىنشىلىق سوعىستا رەسەي مەملەكەتى مورالدىق جانە ماتەريالدىق تۇرعىدان اۋىر سوققىعا تاپ بولاتىنى ايداي اقيقات! سوعىستىڭ ۇلكەن-كىشىسى، اۋىر-جەڭىلى بولمايدى. ونىڭ جەڭەتىن جانە جەڭىلەتىن جاعى بولادى. بۇل جولى دا سولاي بولعالى تۇر. باسقاسىن ايتپاعاندا، كەشەگى سوۆەت اسكەرلەرىنىڭ اۋعانستانعا باسىپ كىرگەنى، سوعىستىڭ ۇزاققا سوزىلعانى، كوپ شىعىن شەككەن سوۆەت اسكەرلەرىنىڭ ول ەلدەن تاباندارىن جالتىراتقانى - كەشە عانا سياقتى ەدى. «تاريحتان ساباق الماعان - ءتۇبى وڭباي وپىق جەيدى!» دەگەن ناقىل ءسوزدى ۇمىتپاعان ءجون سياقتى ما، قالاي؟..