جۇڭگو اقپارات قۇرالدارى جابىلا جازىپ جاتقان قاندى وقيعا كۇنميڭ قالاسىندا ورىن العان. ياعني 1 ناۋرىز كۇنى كەشكە كۇنميڭ قالاسىنىڭ تەمىر جول ۆوگزالىندا پىشاقپەن قارۋلانعان بەلگىسىز ادامدار 29 ادامدى ءولتىرىپ، 143 ادامدى جارالاعان. ونىڭ ىشىندە 73 ادام اۋىر جاراقات الىپتى. جۇڭگو پوليسەيلەرى بەلگىسىز قارۋلى توپ مۇشەلەرىنىڭ 4-ەۋىن اتىپ ولتىرگەن. بىرەۋىن قولعا تۇسىرگەن. بۇل بەسەۋدىڭ ۇشەۋى ەر ادام، ەكەۋى ايەل ادام ەكەن. جۇڭگو "حالىق" پورتالىنىڭ جازۋىنشا، ولار 10 ادام بولعان. قىتايدىڭ كەيبىر اقپارات كوزدەرى بۇل قىلمىسقا شىڭجاڭ تاراپىنان كەلگەن "قىلمىسكەرلەردىڭ" ياعني ۇيعىرلاردىڭ قاتىسى بار دەپ وتىر.
