مەملەكەتتەر اراسىندا ەشقانداي دوستىق بولمايدى، تەك مۇددە قاتىناسى عانا بولادى. الدە ءبىر جاتتاندى ديالوگتاردىڭ بۇنداي مۇددەدە پايداسى شامالى بولاتىنىن كۇندە كورىپ، ءبىلىپ وتىرمىز.

رەسەيدىڭ ۋكرايناعا اسكەر كىرگىزۋ تۋرالى شەشىمى ءبىر جاعىنان قاجەتتىلىكتەن بولدى. كەزكەلگەن ەل ءوز ۇلتىنىڭ مۇددەسى مەن قاۋىپسىزدىگى ءۇشىن ايانبايتىنى حاق.  ونىڭ ۇستىنە، قىرىم مەن حاركوۆ سىندى ۋكراينانىڭ شىعىس ايماقتارىندا ورىستار مەن ورىس تىلدىلەر باسىم. ولار ورىستان ۇلتشىل-راديكالداردان قورعاۋدى تالاپ ەتىپ وتىر. ونىڭ ۇستىنە بۇل قيىن كەزەڭدى ءساتتى پايدالانعان ورىس ۇلتشىلدارى ۋكراينانىڭ جاڭادان كەلەگن بيلىگىن مويىنداماۋدا. بۇل ورىستىڭ ويلاعانىنان شىققان سەبەپ بولدى. سونىمەن  رف مەمدۋماسى كومەكتەسۋگە بەل بۋىپ، ورىس ارمياسى ۋكرايناعا بەت الدى.

ۋكراينا ءۇشىن ساياسي وزگەرىستەن گورى ەل تۇتاستىعىن ساقتاپ قالۋ ماڭىزدى

 ۋكارايناداعى  "ەۆرومايدانشىل" ۇلتشىل، راديكالدىق توپتار جالپى جاقتان ساياسي ماڭگۇرتتىكتەرىن كورسەتتى. ساياساتكەرلىك پەن سابىرلىلىقتى، قاناعاتتى ۇمىتىپ كەتكەن راديكالدى توپتىڭ نيەتتەرى دۇرىس بولعانىمەن امالدارى قاتەلىككە ۇرىندىردى. حالىقتى بىر-بىرىنە ايداپ سالدى، زورلىقتى ارەكەتتەرگە باردى، جۇر اراسىندا جاقسى وبىراز قالتىرا المادى. نەگىزى يانكوۆيچتى قوزعاپ، كوز الداعى مۇددەلەرىن ويلاپ جۇرگەندە، ۋكراينا ۇلتشىلدارى مەن ەۆرومايدانعا قارسى توپتار ورىستارمەن بىرلەسە وتىرىپ وداق قۇردى.  تىم كەۋدەمسوقتىق ءوز وتاندارىنىڭ تراگەدياسىنا اينالىپ بارادى. ءقازىر ۋكرايندەرگە ساياسي قايتا قۇرۋ كەرەك ەمەس، ەڭ ماڭىزدىسى ەلدىڭ تۇتاستىعىن ساقتاپ قالۋ كەرەك. بىتەر ءىس بىتكەن سوڭ قىلىشتارىن دارەتكە شاباتىن بولادى. ءالى دە ىمىرالاسۋ ارقىلى ورىستىڭ ساياسي بۇلتاعىنان سىتىلىپ شىعىپ، ەلدىڭ تۇتاستىعىن قورعاپ قالۋلارى كەرەك. اناۋ جاڭادان سايلاندى دەلىنگەن مينيسترلەر مەن پرەزيدەنتتەرى دۇرىس مالىمدەمە جاساۋدى دا بىلمەيتىنىن كورسەتتى. ەستەرىن جيناپ بولعانشا، تويدا تارقاپ كەتەدى عوي. تىپتەن ورىستار اسكەر دەكىرگىزدى، گازدى دا قىستى، ساياسي-ەكونوميكالىق قىسىم مەن اسكەري قىسىم ۋكرايندەردى كەشىرمەيدى. ونىڭ ۇستىنە حالىق پەن حالىقتىڭ، بيلىك پەن حالىقتىڭ اراسىنداعى الاۋىزدىق اسكەري قۇرىلىمدارعا دا كىرىپ كەتكەن. بۇل بەركەسىزدىكتى كەلتىرىپ شىعاردى.

حالىقارالىق كەپىلدەمە ورىندالا ما؟

ۋكراينا اتومنان ءوز ەركىمەن باس تارتقان ەل. ەندى سول كەزدەگى حالىقارالىق كەلىسىم بويىنشا بۇۇ قاۋىپسىزدىك كەڭەسى مەن مىندەتتى مويىندارىنا العان مەملەكەتتەر  كەپىلدەنگەن قورعاۋدى ورىنداۋلارى كەرەك. اقش كەلمەسە، ۋكراينانى رەسەي جاۋلاپ الادى. اقش 1994 جىلى موينىنا ۋكراينانى قورعاۋ جونىندە مىندەتتەمە الىپ قويعان. بار ءۇمىت سول اقش-تا. ەگەر كەپىلدەمە ورىنداماسا بۇل كۇن قازاقتىڭ باسىنا دا تاياۋ دەگەن ءسوز.  "وگىزگە تۋعان كۇن بۇزاۋعا دا تۋادى". وندا ءبىزدىڭ ەل اتوم قارۋىن قولعا كەلتىرۋگە مىقتاپ كىرىسۋگە قۇقىلى بولادى.  ولاي بولعان جاعدايدا  ۋكرايندەر ءۇشىن قىرىلىپ بىتكەنشە سوعىسۋدان باسقا شىعار جول جوققا اينالادى. ەگەر سوعىس ۇزاققا سوزىلسا قولداۋ دا، بيلىك پەن حالىقتىڭ بىرىلىگى دە ارتادى، ورىستاردىڭ كۇشى دە  السىرەۋى مۇمكىن، ورىس بيلىگى ءتۇرىلى قىسىمدارعا قاراتا پسيحولوگيالىق شارشاۋعا ۇرىنىپ، ىشكى بۇلىنۋشىلىكتەن ساقتانۋعا ءماجبۇر بولادى.  ەۋرو وداق ورىستارعا قازىرشە ەشتەڭە ىستەي المايدى. ولارعا قارسى ورىستىڭ قىسىمى دايىن.

ەگەر ۋكراينا سوعىسقا شىقپاي، بىرلىك بولماي، جەڭىلسە،  وندا ورىستاردىڭ ارام نيەتى قابىنادى. ۋكرايندەرگە جالعىز جول قالدى: سوعىسۋ. بالا-شاعاسىمەن قوسىپ سوعىسقا اتتانۋ. وتان ءۇشىن ولۋگە اتتانۋلارى كەرەك. باسقا جول جوق. ەندى ۋكرايىندەر يانۋكوۆيچكە زار بولدى! ەۋرو وداق ەكى ورىستىڭ سوعىسىن كورىپ كۇلىپ وتىرا بەرەدى.

ال قازاقستان ءۇشىن ەڭ كەرەگى حالىقارالىق كەپىلدەمەنىڭ(مىندەتتەمەنىڭ) ورىندالۋى مەن ورىندالماۋى بولىپ وتىر. سەبەبى بۇل ءبىزدىڭ دە باسىمىزدا بار ساقينا!

احمەت ۇلى بەيسەن