كەشە جامبىل وبلىسىنىڭ پوليسەيلەرى تۇرار رىسقۇلوۆ اۋدانى اۋماعىنداعى جول بويىنداعى دارەتحانادا بوسانىپ، سول جەردە ءسابيىن تاستاپ كەتكەن كەلىنشەكتى قولعا ءتۇسىردى، - دەپ حابارلايدى «قامشى» پورتالى.
ءوز نارەستەسىن ولتىرۋگە ارەكەتتەندى دەگەن ازامات سول اۋداننىڭ 21 جاستاعى تۇرعىنى بولىپ شىقتى. ءقازىر ول ۇستالىپ، ىشكى ىستەر ورگاندارىنا جاۋاپ بەرۋدە.
«تەرگەۋ مۇددەسىنە وراي، اتالعان ازاماتشا تۋرالى مالىمەتتەر ازىرگە جاريالانبايدى. وقيعانىڭ ءمان-جايى الداعى ۋاقىتتا باق-تا حابارلانادى» دەلىنگەن پوليسەيلەر تاراتقان حابارلامادا.
ال، نارەستە قازىرگى تاڭدا ت. رىسقۇلوۆ اۋدانىنىڭ ورتالىق اۋرۋحاناسىندا ەمدەلۋدە. دارىگەرلەر نارەستەنىڭ دەنساۋلىق جاعدايى جاقسى دەپ وتىر.
