قىزىلوردا قالاسىنداداعى ەمحانالاردىڭ جۇمىسى تۇرعىنداردىڭ نارازىلىعىن تۋدىرۋدا. باسى اۋىرىپ، بالتىرى سىزداپ كەلگەندەر دارىگەرلەرگە كىرە الماي، ۇزىن-سونار كەزەكتەن ابدەن مەزى بولعاندارىن ايتۋدا، - دەپ حابارلايدى «قامشى» پورتالى.

تۇرعىنداردىڭ ايتۋىنشا، قالانىڭ «كبي» ىقشام اۋدانىندا ورنالاسقان ەمحانادا جۇكتى ايەلدەرگە كەڭەس بەرەتىن، ولاردىڭ دەنساۋلىعىن قاداعالايتىن ءبىر دە-بىر دارىگەر جوق كورىنەدى. ءتىپتى، تاپسىرىلعان اناليز قورىتىندىلارى اۋماقتىق ەمەس، №6 ەمحانادان شىعارىلاتىنعا ۇقسايدى. ال، ول اناليزدەردىڭ قورىتىندىلارىن الۋ ءۇشىن ەمدەلۋشىلەر ساعاتتاپ كەزەكتە تۇرادى.

اشىنعان تۇرعىندار قالا باسشىلىعىنان «كبي» ىقشام اۋدانىنداعى ەمحانانى جاۋىپ تاستاۋدى، №6 ەمحانانىڭ دارىگەرلەرىنىڭ قىزمەتىنە شالاعايلىقپەن قاراماۋىن تالاپ ەتۋدە.

مەديسينا سالاسىنداعى مۇنداي ولقىلىقتى «فەيسبۋك» الەۋمەتتىك جەلىسىندە وڭعار سايموسايەۆ ەسىمدى ازامات بەينەجازبا تۇرىندە كوپشىلىككە جاريالادى. جازبا يەسى «بۇل ماسەلەگە قىزىلوردا وبلىستىق دەنساۋلىق ساقتاۋ باسقارماسىنىڭ باسشىلىعى نە ايتار ەكەن؟» دەپ ساۋالىن دا جولداعان.

ەكى ۋچاستوكتىڭ تۇرعىندارىنا قىزمەت كورسەتىپ وتىرعان ەمحانانىڭ كەلۋشىلەرى كوپ. سونىڭ سالدارىنان كەزەككە تۇرعانداردىڭ قاراسى كوبەيىپ كەتەتىن كورىنەدى. تاڭسارىدە كەزەككە تۇرعاندار، دارىگەردىڭ الدىنا تۇسكە تاياۋ ءبىر-اق جەتەتىنىن ايتىپ شاعىمدانۋدا.