وسى اپتادا ەلىمىزدىڭ ورتالىق جانە جەرگىلىكتى اتقارۋشى ورگاندارىندا ءبىرقاتار كادرلىق تاعايىنداۋ جۇرگىزىلدى. سەنات ءتوراعاسىنىڭ ورىنباسارى سايلانىپ، جاڭادان قۇرىلعان جەرگىلىكتى پوليسيا قىزمەتىنىڭ وڭىرلەردەگى باسشىلارى جاڭا قىزمەتتەرىنە كىرىستى. مۇنان بولەك، سىبايلاس جەمقورلىققا قارسى ۇلتتىق بيۋرونىڭ وبلىستارداعى، استانا مەن الماتى قالالارىنداعى اۋماقتىق دەپارتامەنتتەرىنىڭ (سىبايلاس جەمقورلىققا قارسى قىزمەت) باسشىلارى تاعايىندالدى. "قامشى" پورتالى قازاقپاراتقا سىلتەمە جاساپ اپتا ىشىندە ورىن العان وسى جانە وزگە دە تاعايىنداۋلارعا شولۋ جاسايدى. 

سونىمەن، مەملەكەت باسشىسى نۇرسۇلتان نازاربايەۆتىڭ وكىمىمەن مارات ساپار ۇلى ءوسىپوۆ قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى قىزمەتىنە تاعايىندالدى. بۇعان دەيىن مارات ساپار ۇلى الماتى قالالىق ۇلتتىق قاۋىپسىزدىك كوميتەتى دەپارتامەنتىنىڭ باسشىسى بولدى. سونداي-اق، ول ۇقك ورتالىق اپپاراتى كونستيتۋسيالىق قۇرىلىمدى قورعاۋ جونىندەگى دەپارتامەنتتىڭ جەتەكشىسى بولىپ قىزمەت اتقاردى.

ال، پارلامەنت سەناتىنىڭ جالپى وتىرىسىندا سەناتور سەرگەي گروموۆ سەنات ءتوراعاسىنىڭ ورىنباسارى قىزمەتىنە سايلاندى. س. گروموۆ 1959 جىلى 6 قاڭتاردا تۋعان، ۇلتى - ورىس. ءبىلىمى جوعارى. جامبىل گيدرومەليوراسيا-قۇرىلىس ينستيتۋتىن، الماتىنىڭ پوليتولوگيا جانە باسقارۋ ينستيتۋتىن، «اۋليە-اتا» ۋنيۆەرسيتەتىن بىتىرگەن، ەكونوميكا عىلىمدارىنىڭ كانديداتى. ءار جىلدارى: اسسيستەنت، وقىتۋشى، ينستيتۋتتىڭ كومسومول حاتشىسى رايكومنىڭ ءبىرىنشى حاتشىسى، سوۆحوز پارتكومىنىڭ حاتشىسى، باس ديرەكتور، اۋدان اكىمى، وڭتۇستىك قازاقستان وبلىسى اكىمىنىڭ ءبىرىنشى ورىنباسارى، پرەزيدەنت اكىمشىلىگىنىڭ ينسپەكتورى، «نۇر وتان» حالىقتىق-دەموكراتيالىق پارتياسىنىڭ ورتالىق اپپاراتىنىڭ جەتەكشىسى، «نۇر وتان» حالىقتىق-دەموكراتيالىق پارتيا ءتوراعاسىنىڭ ورىنباسارى، «نۇر وتان» حالىقتىق-دەموكراتيالىق پارتياسىنىڭ حاتشىسى، قازاقستان رەسپۋبليكاسىنىڭ قورعانىس ءمينيسترىنىڭ ورىنباسارى بولىپ جۇمىس اتقارعان. 

قازاقستان رەسپۋبليكاسى ۇكىمەتىنىڭ 2016 جىلعى 11 قاڭتارداعى قاۋلىسىنا سايكەس قازاقستان رەسپۋبليكاسى مەملەكەتتىك قىزمەت ىستەرى ۆيسە-مينيستر لاۋازىمدارىنا ايگۇل شايىموۆا جانە يننا احمەتوۆالارتاعايىندالدى

ا.شايىموۆا 1979 جىلعى 12 قاڭتاردا دۇنيەگە كەلگەن. ل.گۋميليەۆ اتىنداعى ەۇۋ-دى، قارجى پوليسياسى اكادەمياسىن بىتىرگەن. وسى ۋاقىتقا دەيىن ەلىمىزدىڭ قارجى پوليسياسىندا جۇمس ىستەگەن. اتالعان ۆەدومتسۆونىڭ قۇقىقتىق قامتاماسىز ەتۋ جانە حالىقارالىق بايلانىس باسقارماسىنىڭ كىشى ينسپەكتورى، ينسپەكتورى، اعا ينسپەكتورى، اسا ماڭىزدى ىستەر جونىندەگى اعا ينسپەكتورى بولعان. ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى قىزمەتىن اتقارعان. ءىى دارەجەلى «داڭق» وردەنىمەن، «ەرەن ەڭبەگى ءۇشىن» مەدالىمەن، «قازاقستان رەسپۋبليكاسىنىڭ كونستيتۋسياسىنا 10 جىل»، «استانانىڭ 10 جىلدىعى» «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالدارىمەن، سونداي-اق قارجى پوليسياسى جانە پروكۋراتۋرا ورگاندارىنىڭ ۆەدومستۆولىق مەدالدارىمەن ناگرادتالعان.

الماتى قالاسىندا 1974 جىلى دۇنيەگە كەلگەن يننا احمەتوۆا اباي اتىنداعى قازاق ۇلتتىق پەداگوگيكاوىق ۋنيۆەرسيتەتىن بىتىرگەن. جوعارى وقۋ ورنىن اياقتاعاننان كەيىن الماتى قالاسى جەتىسۋ اۋداندىق اكىمدىگىندە جۇمىس ىستەگەن. 1999 جىلى ق ر پرەزيدەنتى اكىمشىلىگىنە اۋىسىپ، اعا رەفەرەنت، كونسۋلتانت، مەملەكەتتىك-قۇقىق ءبولىمىنىڭ سەكتور مەڭگەرۋشىسى، ءبولىم مەڭگەرۋشىسى بولعان.

شىعىس قازاقستاندا ەكونوميكا سالاسىنا جەتەكشىلىك جاسايتىن وبلىس اكىمنىڭ ورىنباسارى بولىپ قۋات تۇمابايەۆ تاعايىندالدى. ول وسىعان دەيىن شقو ەكونوميكا جانە بيۋدجەتتىك جوسپارلاۋ باسقارماسىن باسقارعان. ق.تۇمابايەۆ 1980 جىلدىڭ 30 قازانىندا سەمەي قالاسىندا دۇنيەگە كەلگەن. قازاق، ورىس جانە اعىلشىن تىلدەرىن مەڭگەرگەن. شاكارىم اتىنداعى سەمەي مەملەكەتتىك ۋنيۆەرسيتەتىن، قازاق گۋمانيتارلىق زاڭ ۋنيۆەرسيتەتىن بىتىرگەن. ق ر ەكونوميكا جانە بيۋدجەتتىك جوسپارلاۋ مينيسترلىگىنىڭ ينۆەستيسيالىق ساياسات جانە جوسپارلاۋ دەپارتامەنتىندەگى بيۋدجەتتىك ينۆەستيسيالاردى جوسپارلاۋ باسقارماسى باستىعىنىڭ ورىنباسارى، ق ر ەكونوميكالىق دامۋ جانە ساۋدا مينيسترلىگىنىڭ ايماقتىق دامۋ كوميتەتى ءتوراعاسىنىڭ ورىنباسارى، ق ر ەكونوميكالىق دامۋ جانە ساۋدا مينيسترلىگىنىڭ ينۆەستيسيالىق ساياسات دەپارتامەنتىنىڭ ديرەكتورى بولىپ جۇمىس اتقارعان.

ق ر ءىىم توتەنشە جاعدايلار كوميتەتىنىڭ ءتوراعاسى بولىپ ۆلاديمير بەككەر تاعايىندالدى. ازاماتتىق قورعاۋ پولكوۆنيگى ۆ.بەككەر 1965 جىلعى 18 قاراشادا سەمەي وبلىسى ءۇرجار اۋدانىنىڭ بلاگوداتنوە اۋىلىندا تۋعان. الماتى جوعارى تەحنيكالىق ۋچيليششەسىن، شىعىس قازاقستان وبلىسى وڭىرلىك ۋنيۆەرسيتەتىن بىتىرگەن. ازاماتتىق قورعاۋ سالاسىندا 1986 جىلدىڭ قازان ايىنان باستاپ قىزمەت اتقارادى. جاڭا قىزمەتكە تاعايىندالعانعا دەيىن ق ر ىشكى ىستەر مينيسترلىگى توتەنشە جاعدايلار كوميتەتى ءتوراعاسىنىڭ ورىنباسارى بولعان.  ول ءىى دارەجەلى «ايبىن» وردەنىمەن، «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەيتويلىق مەدالىمەن، ءى، ءىى، ءىىى دارەجەلى «ورتكە قارسى قىزمەت ورگاندارىنداعى ءمىنسىز قىزمەتى ءۇشىن» مەدالىمەن، «توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن»، «توتەنشە جاعدايلار ورگاندارىنىڭ ارداگەرى»، «ءورت ءسوندىرۋ قىزمەتىنىڭ ۇزدىگى» توسبەلگىلەرىمەن، «توتەنشە جاعدايلار ورگاندارىنىڭ قۇرمەتتى قىزمەتكەرى» وردەنىمەن ماراپاتتالعان.

شقو اكىمى دانيال احمەتوۆتىڭ بۇيرىعىمەن قاتونقاراعاي اۋدانىنىڭ اكىمى بولىپ نۇرعوجين احمەتقالي احاش ۇلى تاعايىندالدى.  ا.نۇرعوجين 1966 جىلى شقو بەسقاراعاي اۋدانىندا تۋعان. اۋدان اكىمى بولىپ تاعايىندالعانعا دەيىن ول شقو اۋىل شارۋاشىلىعى باسقارماسى باسشىسىنىڭ ورىنباسارى قىزمەتىندە بولدى. 

وسى وبلىسقا قاراستى گۋلبوكوە اۋدانىنا 1959 جىلى شىعىس قازاقستان وبلىسى، كاتونقاراعاي اۋدانىندا دۇنيەگە كەلگەن قاليحان بايعونۇسوۆ  اكىم بولىپ كەلدى. ول وسكەمەن قالالىق جول-قۇرىلىسى ينستيتۋتىن،  ماسكەۋ قالاسىنداعى زامانۋي گۋمانيتارلىق ينستيتۋتىن بىتىرگەن. 1998-2001 جىلدارى كاتونقاراعاي اۋدانىنىڭ بەلوۆ اۋىلدىق وكرۋگىندە اكىم بولىپ جۇمىس ىستەدى. 2007-2011 جىلدار ارالىعىندا كاتونقاراعاي اۋدانى اكىمىنىڭ ورىنباسارى قىزمەتىندە بولسا، كەيىننەن بەسقاراعاي اۋدانىنا اكىم بولىپ تاعايىندالدى. 2013 جىلدىڭ شىلدە ايىنان 2014 جىلدىڭ شىلدەسىنە دەيىن شقو تابيعات رەسۋرستارىن پايدالانۋ جانە تابيعات پايدالانۋدى رەتتەۋ باسقارماسىن باسقارعان. 2014 جىلدىڭ شىلدە ايىنان كاتونقاراعاي اۋدانىنا اكىم بولعان ەدى.

ق ر ۇكىمەتىنىڭ قاۋلىسىنا سايكەس، سىبايلاس جەمقورلىققا قارسى ۇلتتىق بيۋرو ءتوراعاسىنىڭ ورىنباسارلارى بولىپ، اليك شپەكبايەۆ پەن تالعات تاتۋبايەۆ تاعايىندالدى. سونداي-اق، ق ر قۇقىق قورعاۋ ورگاندارىنداعى كادرلىق ساياسات ماسەلەلەرى جونىندەگى ق ر پرەزيدەنتى جانىنداعى كوميسسيا مەن قر-نىڭ پرەمەر-مينيسترى وبلىستار، استانا مەن الماتى قالالارى سىبايلاس جەمقورلىققا قارسى ۇلتتىق بيۋرو اۋماقتىق دەپارتامەنتتەرىنىڭ (سىبايلاس جەمقورلىققا قارسى قىزمەت) باسشىلارىن تاعايىنداۋدى كەلىستى. سونىمەن مىناداي اۋماقتىق بولىمشەلەر باسشىلارى تاعايىندالدى: استانا قالاسى بويىنشا - ازبەرگەنوۆ دۋلات بايدالى ۇلى؛  الماتى قالاسى بويىنشا - وتەيەۆ شاتتىق تىنىمباي ۇلى؛ اقمولا وبلىسى بويىنشا   - يساقوۆ نۇرجان ءازىمحان ۇلى؛ اقتوبە  وبلىسى بويىنشا - سۋنتايەۆ قايرات يميات ۇلى؛ الماتى وبلىسى بويىنشا -پوتانين سەرگەي الەكساندروۆيچ؛ اتىراۋ وبلىسى بويىنشا - احمەتجانوۆ مارات مۇرات ۇلى؛ شىعىس قازاقستان وبلىسى بويىنشا - دوسانوۆ عالىمبەك نۇرمىحان ۇلى؛ جامبىل وبلىسى بويىنشا - قوجابايەۆ ماقسات امانقۇل ۇلى؛ باتىس قازاقستان وبلىسى بويىنشا - اشىربايەۆ ءادىلحان قاسىمحان ۇلى؛ قاراعاندى وبلىسى بويىنشا   - يبرايموۆ ەرجان كەبەكوۆيچ؛ قوستاناي وبلىسى بويىنشا - ۋسەنوۆ دانيار بەكبەرگەن ۇلى؛ قىزىلوردا وبلىسى بويىنشا - قارىمساقوۆ مۇرات سەكەش ۇلى؛ ماڭعىستاۋ وبلىسى بويىنشا -نالىبايەۆ ماقسۇت يبرايحان ۇلى؛ پاۆلودار وبلىسى بويىنشا - شاكەنوۆ دەنيس ۆلاديميروۆيچ؛ سولتۇستىك قازاقستان وبلىسى بويىنشا - قابدۋلا شىڭعىس قايىپ ۇلى؛ وڭتۇستىك قازاقستان وبلىسى بويىنشا - احمەتوۆ مۇرات جامبىل ۇلى.

شىعىس قازاقستان وبلىسى اكىمى دانيال احمەتوۆتىڭ وكىمىمەن جانە وبلىس ءماسليحاتى دەپۋتاتتارىنىڭ كەلىسىمىمەن جەرگىلىكتى پوليسيا قىزمەتىنىڭ باسشىسى بولىپ پوليسيا پولكوۆنيگى دۋلات قازاقپايەۆ تاعايىندالدى. د.قازاقپايەۆ 1962 جىلى شقو جارما اۋدانىندا دۇنيەگە كەلگەن. ىشكى ىستەر ورگاندارىندا 1983 جىلدان باستاپ جۇمىس ىستەيدى. 1996 جىلدان 2013 جىل ارالىعىندا بەسقاراعاي اۋدانى ءىىب باستىعىنىڭ ورىنباسارى، شقو ءىىد اكىمشىلىك پوليسياسى باسقارماسى باستىعىنىڭ ورىنباسارى لاۋازىمدارىندا قىزمەت اتقارعان. 2013 جىلدان باستاپ، شقو اياگوز اۋدانى ىشكى ىستەر ءبولىمى باستىعى بولعان.

پوليسيا پودپولكوۆنيگى جاسۇلان بايكەنوۆ الماتى ق. ءىىد-ىڭ جاڭادان قۇرىلعان جەرگىلىكتى پوليسيا قىزمەتىنىڭ باسشىسى بولىپ تاعايىندالدى. ول بۇعان دەيىن الماتى ق. ءىىد اكىمشىلىك پوليسيا باسقارماسى باستىعىنىڭ ورىنباسارى قىزمەتىن اتقارىپ كەلگەن بولاتىن. پودپولكوۆنيك بايكەنوۆ ءوزىنىڭ ىشكى ىستەر سالاسىنداعى مانساپ  جولىن 2004 جىلى المالى اۋداندىق ءىىب قاراستى ۋچاسكەلىك پوليسيا ينسپەكتورىنىڭ كومەكشىسى قىزمەتىنەن باستاعان. 2007 جىلدان بەرى قالانىڭ ءار ءتۇرلى اۋداندارىندا قوعامدىق قاۋىپسىزدىك بولىمشەلەرىن باسقارىپ كەلدى. سونداي-اق، مەتروپوليتەندەگى ءىىب باستىعىنىڭ ورىنباسارى جانە تۇركىسىب اۋدانىنىڭ ءىىب باستىعىنىڭ ورىنباسارى قىزمەتىن  اتقارعان.

اتىراۋدا ءوڭىر ءىىد جەرگىلىكتى پوليسيا باسشىسى قىزمەتىنە نۇرىم ورازبايەۆ تاعايىندالدى. 50 جاستاعى ن.ورازبايەۆ قۇقىق قورعاۋ ورگاندارىندا 1986 جىلدان بەرى جۇمىس جاساپ كەلەدى. ەڭبەك جولىن اتىراۋ قالاسى ءىىب ۋچاسكەلىك ينسپەكتورى بولىپ باستادى. ءبىلىمى جوعارى - ق ر ءىىم الماتى جوعارى مەكتەبىن بىتىرگەن. 2008 جىلدان بەرى  اتىراۋ وبلىسى ءىىد باستىعىنىڭ ورىنباسارى بولعان ەدى.

ورال قالالىق ءماسليحاتىنىڭ كەزەكتى سەسسياسىندا قالالىق ىشكى ىستەر باسقارماسى جەرگىلىكتى پوليسيا قىزمەتىنىڭ باسشىلىعىنا وسى كەزگە دەيىن بقو ءىىد اكىمشىلىك پوليسياسى باسقارماسىنىڭ باستىعى قىزمەتىن اتقارعان ءمۇسىلىم جاردەموۆتىڭ كانديداتۋراسى ۇسىنىلىپ، ول دەپۋتاتتار تاراپىنان تولىق قولداۋ تاپتى. پوليسيا پودپولكوۆنيگى ءمۇسىلىم عيلمان ۇلى 1974 جىلى كورشىلەس ساراتوۆ وبلىسى وزينكي اۋىلىندا دۇنيەگە كەلگەن. ىشكى ىستەر ورگاندارىندا 1996 جىلدان بەرى قىزمەت اتقارىپ كەلە جاتقان ول ۋچاسكەلىك ينسپەكتوردان باستاپ قىزمەت باسپالداعىمەن ورلەي وتىرىپ، 2013 جىلعى مامىردا بقو ءىىد اكىمشىلىك پوليسياسى باسقارماسى باستىعىنىڭ ورىنباسارى، 2014 جىلدىڭ شىلدەسىنەن باسقارما باستىعى بولىپ تاعايىندالعان.  م.وتەمىسوۆ اتىنداعى باتىس قازاقستان مەملەكەتتىك ۋنيۆەرستيتەتىن 2008 جىلى زاڭگەر ماماندىعى بويىنشا بىتىرگەن.

سول سەكىلدى وسىعان دەيىن ورال قالالىق ىشكى ىستەر باسقارماسى اكىمشىلىك پوليسياسى بولىمشەسى قوعامدىق ءتارتىپتى كۇزەتۋ جانە جول قاۋىپسىزدىگىن قامتاماسىز ەتۋ بولىمشەسىنىڭ باستىعى قىزمەتىن اتقارعان پوليسيا اعا لەيتەنانتى بەرىك تىلەۋلييەۆ قالاعا قاراستى اباي پوليسيا ءبولىمى جەرگىلىكتى پوليسيا قىزمەتىنىڭ باسشىسى بولىپ تاعايىندالدى.

بەلگىلى قارجىگەر، ەكونوميست، ق ر ۇلتتىق بانكىنىڭ ەكس-توراعاسى ءانۋار سايدەنوۆ «الماتى حالىقارالىق اۋەجايى» اق ديرەكتورلار كەڭەسىنىڭ ءتوراعاسى بولىپ سايلاندى. ول بۇعان دەيىن «بتا بانك» بانكىنىڭ ءتوراعاسى، «Bank RBK» اق تاۋەلسىز ديرەكتورى قىزمەتتەرىن اتقارعان.