باتىس قازاقستان وبلىسىندا "لادا-پريورا" مەن Volkswagen Sharan كولىكتەرى سوقتىعىستى. جول-كولىك وقيعاسىنان 3 ادام قازا تاپتى، - دەپ حابارلايدى "قامشى" پورتالى Tengrinews.kz -كە سىلتەمە جاساپ.

جول-كولىك وقيعاسى 17 قاڭتاردا شامامەن كەشكى ساعات بەستە ورال - اقساي اۆتوجولىندا تەرەكتى اۋدانىنا قاراستى كولۋزانوۆو اۋىلىنىڭ ماڭىندا بولعان. 

"ءبىزدىڭ قىزمەتكەرلەر وقيعا ورنىنا كەلگەندە "لادا" جول جيەگىندە جاتتى. Sharan جولدا تۇردى. ونىڭ جۇرگىزۋشىسى تىزگىن مەن قاڭقانىڭ ورتاسىنا قىسىلىپ قالعان. ءبىزدىڭ قۇتقارۋشىلارىمىز مەتاللدى مايىستىرىپ، ەر ادامدى الىپ شىقتى. ول ءتىرى بولدى، ونى دارىگەرلەر الىپ كەتتى. "لادا" كولىگىنەن ورتا جاستاعى ەر ادام شىعارىلدى. ول وقيعا ورنىندا جاپ تاپسىرعان. ءبىز كەلگەنشە وقيعا ورنىندا كۋاگەرلەر "پريورادان" ەكى ادامنىڭ - ايەل مەن ەردىڭ ءمايىتىن الىپ شىققان ەكەن. سونىمەن قاتار، كۋاگەرلەردىڭ ايتۋىنشا، كولىكتەردىڭ بىرىندە ءسابي بولعان. ول نە جەدەل جاردەم كولىگىمەن، نە كۋاگەرلەردىڭ كولىگىمەن اۋرۋحاناعا اكەتىلگەن. ول ءتىرى بولعان"، - دەپ حابارلادى ورال قالالىق قۇتقارۋ قىزمەتى باسشىسىنىڭ ورىنباسارى ر. نۇرعالييەۆ.

ينفورمبيرجا باسىلىمىنىڭ مالىمەتىنشە، قازا بولعانداردىڭ اتى-جوندەرى انىقتالدى - "لادا" جۇرگىزۋشىسى

قايىروۆ نۇرلان ماقسۇت ۇلى، 1979 جىلعى، سونىمەن قاتار، "لادانىڭ" جولاۋشىسى مۋسينا شولپان سارسەنبايەۆا (1989 جىلعى) جانە قايىرقۇلوۆ التىنبەك ءامىر ۇلى (1994 جىلعى).

"Volkswagen Sharan ءاۆتوموبيلىنىڭ تىزگىنىندە جۇمابەكوۆ قانات امانعالي ۇلى بولعان، 1975 جىلعى، ول اۋرۋحاناعا ءتۇستى، جولاۋشىلارى ءتىرى، ولاردىڭ ەكەۋى جەڭىل جاراقاتپەن اۋرۋحاناعا ءتۇستى. الدىن الا مالىمەت بويىنشا، وقيعاعا Volkswagen Sharan جۇرگىزۋشىسى كىنالى، مۇزتايعاقتان اۆتوموبيل قارسى بەتتەگى جولاققا شىعىپ كەتكەن"، - دەپ حابارلادى رەسۋرس.

ال "ۋرالسكايا نەدەليا" گازەتى وقيعا ورنىندا تۇسىرىلگەن ۆيدەونى جاريالادى.

وسىعان دەيىن ورال-اقساي تاسجولىندا پوليسيا كولىگىنىڭ قاتىسۋىمەن تاعى ءبىر جول اپاتى بولعان ەدى.