بۇگىن اقپاراتتىق قاۋىپسىزدىك تاقىرىبى ۋكراينالىق پريزمادان قاراعاندا وزەكتى ماسەلەگە اينالدى. نەگە؟ ويتكەنى، 2012 جىلى رەسەي دۋماسى قازاقستان اقپاراتتىق كەڭىستىگىن يگەرۋگە 5 ملرد رۋبل بولگەن بولاتىن. سودان بەرى ول اقشانىڭ كولەمى ارتپاسا، كەمىگەن جوق. ونىڭ دەنى جاڭادان باسىلىمدار مەن ەلەكتروندىق اقپارات قۇرالدارىن اشۋعا جۇمسالسا، ءبىر بولىگى قوعامدىق، ۇكىمەتتىك ەمەس ۇيىمدار ارقىلى يگەرىلۋدە. ياعني، ەلىمىزدە بۇرىننان اسىعى الشىسىنان تۇسكەن رەسەي يدەولوگياسى جاڭا كۇشپەن باستالعان ينتەرۆەنسيادان سوڭ، ودان سايىن گۇلدەنە ءتۇستى. ءقازاقتىلدى باسىلىمداردىڭ اۋديتورياسىن، قۇنىن، ۇستانعان باعىتىن ءبىرشاما سالماقتاپ كوردى. ودان سوڭ-اق، اقپاراتتىق كەڭىستىگىمىز تولىق "اننەكسيالاندى". بۇگىندە اقپارات كەڭىستىگىمىز تولىق رەسەيدىڭ قول استىندا. وعان بىلتىر كۇزدە "حابار"، "قازاقستان" ارنالارىنا كرەملدىڭ باستى يدەولوگتارىنىڭ كەلىپ، جۋرناليستەرگە وتە قۇپيا تۇردە لەكسيا وقىعانى دالەل. بۇگىندە ورت-ەۋرازيا ارناسىنداعى كيسەليەۆتىڭ رەسەي ازاماتى زامىسلوۆتى اكەپ وتىرعىزۋى، "قازاقستان" ۇلتتىق ارناسىنا نۇرجان جالاۋ قىزىنىڭ پولەي دەگەن ماسكەۋلىكتى كەڭەسشى ەتىپ وتىرعىزۋى تەگىن ەمەس. سونداي-اق، "زاكون كز" سايتى قىزمەتكەرلەرى - يا.كراسيەنكو مەن پاك دەگەندەر بىرلەسىپ، سوسياليستىك پارتياسىماق دەگەندى قۇرىپ وتىر. ماقساتى - ويانا باستاعان قازاق ۇلتشىلدىعىن تىرسەكتەن قيۋ. كرەمل قارجىلاندىرىپ وتىرعان وسىلار كەز-كەلگەن كۇنى ەل قاۋىپسىزدىگىنە سىنا قاعا الادى. "تيتۋشكا"، "بەسىنشى كولوننا" ءرولىن تولىق اتقارىپ، قازاقستاندى بولشەكتەۋدەن تارتىنبايدى. سوندىقتان، ۇلتتىق قاۋىپسىزدىك كوميتەتى تەز ارادا اقپارات سالاسىن ريەۆيزيالاپ، ءقاۋىپتىڭ الدىن العانى ابزال. مىنا سۋرەتتى سونداي "تيتۋشكالار" جاريالاپ وتىر.