"شەتەلدەگى ءار قازاق – ءبىزدىڭ جالعىزىمىز. تاۋەلسىزدىكتەن كەيىن جالپى سانى 1 ميلليونعا جەتكەن قانداستارىمىز كەرەگەمىزدى كەڭ، تەرەزەمىزدى تەڭ قىلدى. ءدال ءقازىر «قازاق كوشى» قاڭتارىلىپ تۇر. بۇعان ارينە بيلىك تاراپىنان جاسالعان مىڭ سان كەدەرگىلەر توسقاۋىل بولۋدا. دەگەنمەن مۇندايدا ەل اعالارىنىڭ پىكىرى ايرىقشا ماڭىزعا يە. سوندىقتان قازاق بيلىگى قۇشاق جايىپ تۇرماسا دا، الىستاعى باۋىرلارعا سىزدەردىڭ ءبىر اۋىز جىلى سوزدەرىڭىز كەرەك. ياعني شەكارادان شەت جۇرگەن قانداستارىمىزعا يگى تىلەكتەرىڭىزدى ارناپ، حات جازساڭىزدار. سول ارقىلى ولاردىڭ اتاجاۇرتقا ورالۋىنا تۇرتكى بولساڭىزدار. ءبىز سىزدەردىڭ حاتتارىڭىزدى «قامشى» پورتالىنا جانە شەتەلدەگى بارلىق قازاق سايتتارىنا جاريالايمىز. بۇل الاش ازاماتتارىنىڭ ازاماتتىق پارىزى دەپ بىلەمىز جانە تاريح الدىنداعى مىندەتىمىز."

ءدال وسىلاي دەپ الەۋمەتتىك جەلىدە وتىراتىن ەل اعالارىنا قولقا سالعانبىز. قازىرگە تاۋەلسىز ساياساتكەر، اقىن ءامىرجان قوسانوۆ مىرزا عانا ءۇن قاتتى. جات جۇرتتاعى اعايىنعا حات قينالدىڭ، قازاق، قانشاما، شاشىراپ جۇرگەن تۇمشالى ەل! جات جۇرتتا جۇرگەن بارشاڭا اتاجۇرت جاقتان ءبىر سالەم!   جيناماق بولىپ بارشانى الاشىم سەنى شاقىردى! اتىراۋ سەنى اڭسادى، الاتاۋ سەن دەپ اھ ۇردى!   جەتەر دەپ حابار جاعىمدى مەن جاقىن ەتەم قاشىقتى – سارى ارقا سەنى ساعىندى، التايىم سەن دەپ اسىقتى.   ءۇمىتتىڭ وتىن ءوشىردى! بيلىكتىڭ بەتى قاپ-قالىڭ – توقتاتىپ ۇلى كوشىمدى قارابەت بولىپ جاتقانىن!   قازاعىم ءۇشىن كۇرەسكەن مەن ءبىرى ەدىم مىڭ ۇلدىڭ. كوشىنە ەلدىڭ ىلەسكەن مەن دە ءبىر تورى قۇلىنمىن!   بايلىققا باتقان كول-كوسىر بيلىكتەي بۇگىن مەشكەي كىم؟ كەشىرسەڭ ونى، سەن كەشىر، مەن ءبىراق ونى كەشپەيمىن!   تاريحتا بولەك قالدى ءىزىم، كەڭدىگىن كوردىم، تارلىعىن! ءار قازاق مەنىڭ - جالعىزىم، بار قازاق مەنىڭ – بارلىعىم!   ارايلاپ اتار تاڭ قىزىل، ساداقا – جانىم، ار – ءپىرىم! ءار قازاق مەنىڭ - جالعىزىم، بار قازاق مەنىڭ – بارلىعىم!   تابىسار بىزدەر تاياۋ كۇن، وڭىمنان تۋار اي، كۇنىم. ءار قازاق مەنىڭ - اياۋلىم، بار قازاق مەنىڭ - بايلىعىم!