وليمپيادا جانە ازيا ويىندارىنىڭ قولا جۇلدەگەرى، بۇگىندە كاسىپقوي بوكستا ەلىمىزدىڭ نامىسىن ابىرويمەن قورعاپ جۇرگەن قانات يسلام اقپان ايىنىڭ قورىتىندىسى بويىنشا WBA تۇجىرىمىنىڭ  رەيتىنگىندە ون ەكىنشى ورىندا كەلەدى.  قاناتتىڭ جالپى كاسىپقوي بوكسقا اۋىسقانىنا ءبىر جىلدىڭ توڭىرەگى بولدى. ال، وعان دەيىن ءبىز ونىڭ WSB سەرياسىندا ەل نامىسىن قورعايتىن «استانا ارلاندارى» كومانداسىندا ءبىر جىلداي ءساتتى ونەر كورسەتكەنىن بىلەمىز. دەگەنمەن، 2012 جىلعى لوندون وليمپياسىنا قازاقستان اتىنان بارا الماعان سوڭ، قانات ءبىرجولاتا كاسىپقوي بوكسقا ءوتتى. بۇگىندە وتباسىمەن بىرگە مۇحيتتىڭ ارعى جاعىنداعى قۇراما شتاتتاردىڭ مايامي قالاسىندا تۇرىپ جاتقان قانات كاسىپقوي بوكس شارشى الاڭىنا 16 مارتە شىقتى. جانە سول 16 كەزدەسۋىنىڭ بارلىعىندا  قارسىلاستارىن جەڭىپ شىققان. ال، 2012 جىلدىڭ جەلتوقسان ايىندا يسلام ءبىرىنشى ورتا سالماقتاعى WBA Fedecaribە چەمپيوندىق اتاعىن جەڭىپ الدى. ەندى WBA تۇجىرىمىنىڭ  رەيتينگىندە توقتالايىق. ورتا سالماقتىڭ سۋپەر چەمپيونى  اتاعى ءالى دە فلويد مايۋەيزەردىڭ ەنشىسىندە. ال، بۇل تۇجىرىم بويىنشا الەم چەمپيونى دەگەن اتاق ازىرشە بوس تۇر. تىزىلگەن ءتىزىم بويىنشا ءبىرىنشى ورىندا كۋبالىق بىلعارى قولعاپ شەبەرى ەريسلاندي لارا كەلەدى. ەكىنشى ورىندا ميگەل كوتتو بولسا، ءۇشىنشى ورىندا ساۋل الۆارەس تۇر. ءبىزدىڭ وتانداسىمىز قاناتا يسلام بۇل تىزىمدە ون ەكىنشى ورىندا ەكەن. WBA تۇجىرىمىندا چەمپيوندىق اتتاققا تالاسۋ ءۇشىن كەم دەگەندە 20 كەزدەسۋ وتكىزىپ، سول كەزدەسۋلەردىڭ بارلىعىندا مەرەيى ۇستەم بولعان بوكسشى عانا چەمپيوندىق اتاققا تالاسا الادى. دەمەك، قانات ەندى ءتورت كەزدەسۋىندە جەڭىسكە جەتسە، بۇل تۇجىرىمداعى قارىمدى بوكسشىلارمەن جۇدىرىقتاسۋىنا جول اشىلادى دەگەن ءسوز. «الاش ايناسى»

نۇرعيسا ەلەۋبەكوۆ (فوتو)

اۆتور: ۋاليحان قوسانباي