ۋكراينا، اسىرەسە، قىرىم جونىندەگى رەسەي ۇستانىمى – الەمنىڭ بارشا بەيبىتشىلىك سۇيگىش حالىقتارىن قاتتى الاڭداتىپ وتىرعانى داۋسىز. وسىنىڭ بارلىعىنا ەڭ باستى كىنالى ادام - ۋكراينانىڭ تاعىنان تايدىرىلعان، قاشىپ بارىپ رەسەيدى پانالاعان، ەۋرومايدانداعى تالاي جازىقسىز جانداردىڭ قانىن موينىنا جۇكتەگەن، ءوز وتانىنان ميللياردتاعان دوللاردى جىمقىرىپ كەتكەن يانۋكوۆيچ ەكەنىن الەم اقپارات قۇرالدارى جارىسا جازۋدا. وعان باستى دالەل مىناۋ: « ۆۆەستي روسسييسكيە ۆويسكا نا ۋكراينۋ پرەزيدەنتا رف ۆلاديميرا پۋتينا پوپروسيل ۆيكتور يانۋكوۆيچ. وب ەتوم نا ەكسترەننوم زاسەدانيي سوۆبەزا وون زاياۆيل پوستپرەد رف پري وون ۆيتاليي چۋركين، سووبششاەت ريا نوۆوستي (04.03.2014). تولىق ماتىندە مىنا رادان وقي الاسىزدار:http://tengrinews.kz/world_news/vvesti-voyska-na-ukrainu-putina-poprosil-yanukovich-251372/». ياعني، قاشقىن يانۋكوۆيچتىڭ رەسەي پرەزيدەنتى ۆ.پۋتيننەن رەسەي اسكەرىن ۋكرايناعا باسىپ كىرۋگە شاقىرعانى راسقا اينالىپ وتىر. رەسەي فەدەراسياسىنىڭ بۇۇداعى تۇراقتى وكىلى ۆيتاليي چۋركين كەشە ريا نوۆوستي اقپارات اگەنتتىگىنە بەرگەن سۇقباتىندا وسىلاي دەپ ايتىپ سالدى.  ءوز مەملەكەتىنە ءوزى سوعىس اشقىزىپ ءارى اشىپ وتىرعان ەكى ادام بولسا، سونىڭ ەڭ باستىسى - تاعى دا وسى يانۋكوۆيچ ەكەنى داۋسىز. وعان ەۋرومايداندا توگىلگەن جازىقسىز جاندار قانى از بولىپ كورىنگەن سياقتى. ويپىرىم-اي، التىن تاقتىڭ قۇدىرەتى-اي دەسەڭشى!

ونسىز داتاققۇمار پەندەنى قولما-قول اردان دا، ۇياتتان دا، نامىستان دا بەزدىرىپ جىبەرگەنىن قارامايسىزدار ما؟

جانە بۇل توگىلگەلى تۇرعان ولشەۋسىز ادام قانى ءۇشىن ءتۇپتىڭ-تۇبى بولاتىن حالىقارالىق سوت پروسەسى كەزىندە جاۋاپ بەرەتىندەر ءتىزىمىن باستايتىن دا تاققۇمار يانۋكوۆيچ بولاتىنى داۋسىز. ال، كەشەدەن بەرى كەرى كەتە باستاعان رەسەي ەكونوميكاسىنا، ءرۋبلدىڭ قۇنسىزدانۋىنا، سول ارقىلى ونسىز دا كەدەي ورىس حالقىنىڭ اۋىر جاعدايىنا، رەسەيمەن كورشىلەس تاۋەلسىز مەملەكەتتەردە تۇرىپ جاتقان ورىس ۇلتىنان شىققانداردى جەرگىلىكتى ۇلتتارعا قارسى ايداپ سالىپ وتىرعان، ۇلتارالىق وشپەندىلىكتى قوزدىرۋشى جيرينوۆسكييلەردىڭ ارتىندا كىمنىڭ جانە كىمدەردىڭ تۇرعانىن ەندى باعامداي بەرىڭىز (قازاقستانداعى كازاك ۇيىمدارىنىڭ تاريحى http://articlekz.com/node/1524 كازاحستانسكيە كازاكي حوتيات بوروتسيا زا كرىم http://www.kursiv.kz/news/details/obshestvo/Kazahstanskie-kazaki-hotyat-borotsya-za-Krym/سويۋز سيبيرسكيح، ۋرالسكيح، ورەنبۋرگسكيح، سەميرەچەنسكيح كازاكوۆ http://www.arvedi.kz/culture/soyuz-sibirskikh-uralskikh-orenburgskikh-semirechenskikh-kazakov.htmlرەگيونالنوە وبششەستۆەننوە وبەدينەنيە «سويۋز كازاكوۆ ستەپنوگو كرايا» (روو سكسك) http://www.arvedi.kz/union-of-cossacks-steppes/roo-sojuz-kazakov-stepnogo-kraja.html سايت سويۋزا  كازاكوۆ سەميرەچيا  http://skook-kazkurer2.ucoz.ru/ اتامان ارىن http://yvision.kz/post/355785 كازاكي كازاحستانا: روسسيا زاپلاتيت نام زا گەنوسيد! http://yvision.kzقازاق ەلىندەگى كازاكتاردىڭ قۇرىپ جاتقان اسكەري ۇيىمدارىن تەكسەرىڭىزدەر! اشىق حات!/post/355094). بۇل دەرەكتەر وسىدان الىندى.

ەندى جالعىز ۋكراينادا، قىرىمدا، رەسەيدە ەمەس، جازىقسىز جاندار قانى تمد ەلدەرىندە توگىلۋى ابدەن مۇمكىن. ونىڭ بۇلجىتپاس ءبىر دالەلىن، تاۋەلسىز قازاقستاننىڭ شىعىس قازاقستان وبلىسىنداعى ورىس- كازاكتارىنىڭ قايتادان باس كوتەرە باستاۋلارىنان انىق بايقاۋعا بولادى. ورەكەڭدەردىڭ وشپەندىلىگىن قوزدىرىپ كەتكەن تاياۋدا عانا قازاقتار مەن ورتالىق ازيا حالىقتارىنىڭ ار-نامىسىنا تيگەن ۆ.جيرينوۆسكيي، ليمونوۆ دەگەندەر بولعانى ەستەرىڭىزدە شىعار. وسىلار ىلە-شالا قىرىمعا بارىپ، سونداعى ورىس ۇلتى وكىلدەرىن جەرگىلىكتى حالىققا قارسى ايداپ سالىپ وتىرعانىن - بۇگىندە بۇكىل الەم جۇرتشىلىعى جاقسى بىلەدى.

ءبىر يانۋكوۆيچتىڭ لاڭى جالعىز رەسەيدى، تمد ەلدەرىن عانا ەمەس، اقش-تى، باتىس ەلدەرىن، بۇكىل الەم جۇرتشىلىعىن ابىگەرگە سالىپ قويعانى - تاعى دا اششى دا بولسا، اقيقات! مىنە، ءبىر تاققۇمار ديكتاتوردىڭ از ۋاقىتتىڭ ىشىندە ىستەگەن لاڭى وسىنداي بولسا، قاپتاعان ديكتاتور اتاۋلىلار بەيبىت حالىقتىڭ كۇشىمەن اياقاستىنان تايدىرىلىپ، ولار باسى اۋعان جاقتارىنا قاشىپ، باسساۋعالاپ، قۋعىنعا ءتۇسىپ، الىپ ەلدەردەن انا يانۋكوۆيچ سياقتى اسكەري كومەك سۇراپ جاتسا، ولار دا مىنا رەسەي سياقتى قارۋلى اسكەرلەرىن بەيبىت ەلدەرگە باسىپ كىرگىزىپ،تاققۇمار پرەزيدەنتتىڭ نامىسىن جىرتىپ جاتسا، وندا مىنا الەمنەن نە قالار ەدى؟ مۇنداي سۇمدىقتى   ەلەستەتۋدىڭ ءوزى عانا قانشا ۇرەي تۋعىزار ەدى!

ونسىز دا ورىس بوداندىعىنا «ءوز ەرىكتەرىمەن» مويىن ۇسىنىپ وتىرعان ءبىزدىڭ نامىسسىز، جىگەرسىز، تەكسىز، ورىسقۇل بيلىكتەگىلەرىمىز -  شىعىس قازاقستانداعى سياقتى ورىس اتاماندارى ءبىر اقىرسا بولدى، جىم بولىپ، سولاردىڭ اياعىن قۇشىپ قۇلاۋعا ءازىر تۇرعانى دا جالعان ەمەس. سونىمەن بىرگە، بۇگىنگە دەيىن ءبىزدىڭ ءورىستىلدى ءبىر قازاعىمىز  جيرينوۆسكيي سياقتىلاردىڭ وتتاۋىنا قارسى تۇرىپ، ءوزىنىڭ قازاعىن اشىق قورعاپ، قىرىمداعى ورىس باسقىنشىلىعىنا بايلانىستى ءوز پىكىرلەرىن بىلدىرمەي وتىرعاندارى دا امالسىز ويعا قالدىرادى ەكەن...

سوندا، ونسىز دا ماڭدايىنىڭ سورى بەس ەلى، وسى قازاقستان اتتى مەملەكەتتى قۇرۋشى نەگىزگى ۇلت - قازاقتاردىڭ جاعدايى نە بولماق؟ ءبىزدىڭ قازاقتار   ورەكەڭدەر سياقتى الىپ يمپەرياسى بار ەل ەمەس جانە ءبىزدىڭ قازاقستاننان باسقا بارار جەرىمىز، باسار تاۋىمىز جوق قوي!

تاعى دا قايتالاپ ايتامىن، وندايدىڭ بەتىن ارى قىلسىن! ەگەر ونداي جاعداي تۋا قالسا، ءبىزدىڭ قازاقتارىمىز جەر بەتىندە ءبىرى قالعانشا، وسى ءوز وتانىن قورعايتىن بولادى. ال، نامىسسىز ورىسقۇلدارىمىز سونداي قيىن ساتتە كىمنىڭ جاعىنا شىعىپ كەتەتىنىن - بولجاۋدىڭ ءوزى ارتىق. ونسىز دا ءبارى تۇسىنىكتى ەمەسپە...

مىنە، ءبىر عانا ديكتاتور، قاشقىن، ۇرى، ميللياردەر، استىنداعى التىن تاعى ءۇشىن ءوز ۇلتىن قۇربان ەتۋگە ءازىر يانۋكوۆيچتىڭ لاڭى وسىنداي بولعالى تۇر. ءبىر سۇمدىعى، مۇنداي ديكتاتورلاردىڭ اياعى جالعىز يانۋكوۆيچپەن بىتسە جاقسى عوي...

جۇماش كوكبورى