ماس كۇيدەگى قازاقستاندىق مالتادا 6 ادامعا پىشاق الا جۇگىرگەن. وعان سوت 116 ەۋرو ايىپپۇل سالىپ، 10 ايعا تۇرمەگە جاپتى، - دەپ جازادى بريتاندىق Independent گازەتى.

23 جاسار ايبەك ماناپوۆ 20 سم پىشاقپەن 6 ادامعا شابۋىل جاساعانىن مويىنداعان.

مامىلەگەر سۋديا دوناتەللا فرەندو ديمەك بەيسەنبى كۇنى تاڭەرتەڭ ايبەك ماناپوۆقا 3 جىل شارتتى جانە 10 اي تۇرمەگە قاماۋ جازاسىن كەستى. وعان 116 ەۋرو ايىپپۇل سالىنعان.

سوتتا ايعاق رەتىندە بەينەباقىلاۋ كامەراسىنىڭ جازباسى، پىشاق جانە قازاقستاندىقتىڭ جەكە كۋالىگى ۇسىنىلدى.

جىگىت ءبىر كەلىنشەكتى جەڭىل جاراقاتتاپ، 5 ادامعا شابۋىل جاساپ، قوعامدىق ءتارتىپتى بۇزعان. سونىمەن قاتار، رۇقساتسىز سۋىق قارۋ الىپ جۇرگەنى ءۇشىن ايىپتالىپ وتىر.

ءقازىر ا.ماناپوۆ مالتا اۋماعىندا، ول وندا 2015 جىلدىڭ قازان ايىنان بەرى اعىلشىن ءتىلىن ۇيرەنۋدە. ءتىل كۋرسى 2016 جىلدىڭ مامىر ايىندا اياقتالۋى ءتيىس. الايدا سوت باسقا ستۋدەنتتەرگە ءقاۋىپ توندىرەتىندىكتەن ونى مۇمكىنشىلىك تۋا قالعان جاعدايدا ەل اۋماعىنان شىعارىپ سالۋ كەرەك دەگەن شەشىم قابىلدادى. 
ايىپتالۋشىنىڭ قورعاۋشىسى دجوزەف ميسسي ا.ماناپوۆ اتىنان زارداپ شەگۋشىلەردەن كەشىرىم سۇرادى.

دەرەككوز: قازاقپارات