قازاقستاندىق قۇرىلىس كومپانيالاردى ۆاليۋتا باعامىنداعى وزگەرىستەر ءتۇرعىن-ۇي نارىعىنداعى باعا ساياساتىنا قاتتى ىقپال ەتەتىندىگى الاڭداتادى، - دەپ حابارلايدى «قامشى» پورتالى.
«بازيس» قۇرىلىس حولدينگى ديرەكتورلار كەڭەسىنىڭ ءتوراعاسى الەكساندر بەلوۆيچ ۇكىمەتتە وتكەن وتىرىس بارىسىندا اقپارات قۇرالدارىنا تۇرعىن ۇيگە سۇرانىستى ارتتىرۋ جولدارى جايلى پىكىرىن بىلدىرگەن. ونىڭ ويىنشا، ۆاليۋتا باعامىنا بايلانىستى تومەندەپ كەتكەن سۇرانىستى كوتەرۋ ءۇشىن ارزان يپوتەكالار قاراستىرۋ كەرەك ەكەن.
«باستى مىندەت – قازىرگى بار كولەمنەن ايىرىلىپ قالماۋ. بۇرىنعىداي قۇرىلىس جالعاسۋ ءۇشىن سۇرانىستى كھتەرمەلەۋ كەرەك. ءبىز ارزان يپوتەكالىق باعدارلامالار سۇراپ وتىرمىز. ءتۇرلى نۇسقالار بار. بۇل مەملەكەت سالاتىن ارەندالىق باسپانا بولۋى دا مۇمكىن. ءبىز كوممەرسيالىق جوبالاردى دا قاراستىرىپ جاتىرمىز. ءقازىر بۇل باعدارلامالار ءبىرشاما تيىمسىزدەۋ، نەسيەلەرى قىمبات. ەگەر ءبىز ءبىر كەلىسىمگە كەلسەك، جەكە كومپانيالار دا ارەندالىق تۇرعىن ۇيلەر سالۋعا قاتىسار ەدى»، - دەدى ول.
سونداي-اق، ول رەسەيدى ۇلگى ەتە وتىرىپ، بانك كرەديتتەرىن سۋبسيديالاۋدى دا قاراستىرۋ كەرەك دەگەن پىكىردە.
«ەگەر بانك نەسيەلەرى قىمبات بولسا، ادامدار ونى الۋى ءۇشىن مەملەكەت سۋبسيديا جاساۋى كەرەك. ازىرگە بۇل مۇمكىن ەمەس شىعار. ءبىراق، مىنا مۇناي باعاسى مەن ۆاليۋتا باعاسىنا قاتىستى تولقۋلار باسىلعاننان كەيىن، ءبىرىنشى توقسان اياقتالعان سوڭ بۇل ماسەلەگە دە ورالۋعا بولار» دەگەن بانكير قازىنا قارجىسىنان دا ءۇمىتتى ەكەنىن بىلدىرگەن.
