الماتىداعى "شىمبۇلاق" تاۋ-شاڭعى كەشەنىندە پولشا ازاماتى جوعالىپ كەتتى، - دەپ حابارلايدى "قامشى" پورتالى الماتى ءىىد باسپا ءسوز قىزمەتىنە سىلتەمە جاساپ.
ءىىد مالىمەتىنشە، ەر ادام 24 قاڭتار كۇنى تاڭەرتەڭ شيپاجاي ماڭىندا سەرۋەندەۋگە شىققان. ونىڭ جوعالىپ كەتكەنى تۋرالى حابارلاما "112" پۋلتىنە استانا ۋاقىتى بويىنشا 25 قاڭتار كۇنى ساعات 02.05-تە كەلىپ ءتۇستى. ساياحاتشىنىڭ قاي باعىتتا كەتكەنى بەلگىسىز. ءتۋريستى ىزدەستىرۋ جۇمىستارىنا ق ر ءىىم تجك رەسپۋبليكالىق جەدەل قۇتقارۋ جاساعى جۇمىلدىرىلدى.
"ءقازىر ىزدەستىرۋ جۇمىستارىمەن ق ر ءىىم تجك رەسپۋبليكالىق جەدەل قۇتقارۋ جاساعىنان 19 قۇتقارۋشى، 1 تەحنيكا مەن كينولوگ ماماندار، الماتى قۇتقارۋ قىزمەتىنەن 12 ادام مەن 5 تەحنيكا، سونىمەن قاتار، "شىمبۇلاق" شيپاجايىنىڭ 4 قۇتقارۋشىسى اينالىسىپ جاتىر"، - دەلىنگەن حابارلامادا.
پولشا ازاماتى تاۋعا شىار الدىندا ەش جەرگە تىركەلمەگەن، باراتىن باعىتىن دا ايتپاپتى. ىزدەستىرۋ جۇمىستارى تۇنگى ۋاقىتتا دا جالعاستىرىلىپ جاتىر.
