«شىمبۇلاق» تاۋ شاڭعىسى كەشەنىندە جوعالعان پولشالىق ءتۋريستىڭ مۇردەسى تابىلدى، - دەپ حابارلايدى «قامشى» پورتالى الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.
24 قاڭتار كۇنى تاۋعا كەتكەن ءتۋريستتىڭ جوعالعاندىعى تۋرالى حابار 25 قاڭتاردا تۇسكەن.
«ىزدەستىرۋ شارالارى بارىسىندا جوعالعان شەتەل ازاماتىنىڭ مۇردەسى تالعار شاتقالىنىڭ سول جاق بەتكەيىنەن تابىلدى. الدىن الا بولجام بويىنشا، ول سۋىقتان ءۇسىپ ءولۋى مۇمكىن»، - دەلىنگەن باسپا ءسوز قىزمەتى تاراتقان حابارلامادا.
ءتۋريستى ىزدەستىرۋ جۇمىستارىنا ونىڭ تاۋعا شىعاتىنى مەن ونداعى جول ءجۇرۋ باعىتىن ەشكىممەن كەلىسپەگەندىگى، ءتيىستى ورىندارعا حابارلاماۋى دا قيىندىق تۋعىزعان.
