بۇگىن الماتىدا ءبىر توپ قوعامدىق بەلسەندى بۇگىن ەۋرازيا ەكونوميكالىق وداعىنىڭ قۇرىلۋىنا قارسىلىق ءبىلدىرىپ، انتيەۋرازيالىق فورۋم وتكىزۋگە شاقىردى. "رۋح پەن ءتىل" قوزعالىسىنىڭ جەتەكشىسى جانبولات ماماي "قازاقستاننىڭ ەۋرازيا وداعىنا كىرۋى جونىندەگى قول قويىلۋعا ءتيىستى قۇجاتتار 1 مامىردا دايىن بولادى، ال كەلەسى جىلى قاڭتاردان باستاپ قازاقستان وسى وداققا كىرەدى. بۇل دەگەنىمىز - شەكارا، پارلامەنت ورتاق بولىپ، ورتاق مەملەكەتتەن جوعارى تۇراتىن ورگان قۇرىلادى دەگەن ءسوز،-"دەگەن. جانبولات ماماي قازاقستاننىڭ ەۋرازيا وداعىنا كىرۋىنە قارسىلار 12 ساۋىردە الماتىدا انتيەۋرازيالىق فورۋم وتكىزەتىندەرىن ايتادى. بەلسەندىلەر تاراتقان حابارلامادا ەۋرازيا وداعىنا كىرۋگە قاتىستى بارلىق قۇجاتتار تۇرعىنداردىڭ پىكىرىمەن كەلىسپەستەن، جاسىرىن تۇردە دايىندالىپ جاتقانى ايتىلادى. بەلسەندىلەر قازاقستان ەۋرازيا وداعىندا ەكى ەلمەن (رەسەي جانە بەلارۋس) عانا ساۋدا-ساتتىق جاساعاننان گورى 115 مەملەكەت مۇشە دۇنيەجۇزىلىك ساۋدا ۇيىمىنا مۇشە بولۋعا ۇمتىلعانى ءجون دەيدى.
"ازاتتىق راديوسى"
