2016 جىلدىڭ 22 قاڭتارىندا ءال-فارابي اتىنداعى قاز ۇۋ-دىڭ شىعىستانۋ  فاكۋلتەتىندە فاكۋلتەت تۇلەگى، «قازاقستان تەمىر جولى ۇك» اق-نىڭ قحر مەن وڭتۇستىك شىعىس ازيا ەلدەرى وكىلدىگىنىڭ جەتەكشىسى، عالىم امانجول يبراگيموۆتىڭ حالىقارالىق جۇك تاسىمالى سالاسىنا ارنالعان ورىس-قىتاي سوزدىگى انىقتامالىعىنىڭ تۇساۋكەسەرى بولدى، - دەپ حابارلايدى «قامشى» پورتالى.

ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتىنىڭ بۇرىننان قالىپتاسقان ىزگى داستۇرلەرىنىڭ ءبىرى – ستۋدەنتتتەر مەن ماگيسترانتتارعا جان –جاقتى ءبىلىم بەرۋمەن  قاتار ادامگەرشىلىك، وتانسۇيگىشتىك قاسيەتتەر، انا تىلىنە، تۋعان جەرگە، سالت-داستۇرلەرىمىز بەن ادەت –عۇرىپتارىمىزعا دەگەن ماحاببات سەزىمىن ۇيالاتۋ. سەبەبى ءبىلىم بەرۋ مەن تاربيەنىڭ نەگىزگى مىندەتى - ءوز ەلىنىڭ ازاماتى، پاتريوتىن تاربيەلەۋ بولسا، وسىعان سايكەس «قازاقستاندىق پاتريوتيزم مەن ۇلتتىق پاتريوتيزم» ستۋدەنتتەردىڭ تاربيەلىك دەڭگەيىن باعالۋداعى ەڭ جوعارعىكورسەتكىشتەردىڭبىرى بولىپ تابىلادى. وسى باعىتتا ءبىزدىڭ قىتايتانۋ كافەدراسىنى ۇجىمى بيىلعى وقۋ جىلىنىڭ باسىنان-اق ەلىمىزدەگى بەلدى عالىمدار، قوعام جانە مادەنيەت قايراتكەرلەرىمەن كەزدەسۋ وتكىزۋدە. ىزگىلىككە تولى  سونداي جاقىن كەزدەسۋلەردىڭ ءبىرى - 2016 جىلدىڭ 22 قاڭتارىندا فاكۋلتەتىمىزدىڭ تۇلەگى، «قازاقستان تەمىر جولى ۇك» اق-نىڭ قحر مەن وڭتۇستىك شىعىس ازيا ەلدەرى وكىلدىگىنىڭ جەتەكشىسىامانجول يبراگيموۆپەن بولعان كەزدەسۋ ەدى.  بۇل وتكىزىلىپ وتىرعان  شارانىڭ جانە دە ءبىر ماقساتى- كافەدرا تۇلەكتەرىن جۇمىسپەن قامتۋ ماقساتىندا شەتەلدەقىزمەت ەتىپ جاتقان وتاندىق كومپانيالاردىڭ وكىلدەرىمەن كەزدەستىرۋ، ولاردىڭ جۇمىسقا قابىلداۋ تارتىبىمەن تالاپتارىن تانىستىرۋ. حالىقارالىق جۇك تاسىمالى سالاسىنا ارنالعان ورىس-قىتاي سوزدىگى انىقتامالىعىنىڭ وقۋ ۇدەرىسىندە جانە جۇمىستا قولدانۋ قۇندىلىعىمەن تانىستىرۋ.

عىلىم مەن كاسىبىن بىردەي ۇشتاستىرا بىلگەن زامانداسىمىز- امانجول يبراگيموۆ حالىقارالىق جۇك تاسىمالى سالاسىنا ارنالعان ورىس-قىتاي سوزدىگى انىقتامالىعىنىڭ تۇساۋكەسەرىن دە ءوزى وقىپ ءبىلىم نارىمەن سۋسىنداعان قارا شاڭىراعى- ءال-فارابي اتىنداعى قاز ۇۋ-دىڭ شىعىستانۋ  فاكۋلتەتىندە وتكىزۋىنىڭ ءوزى دە كوڭىلگە نۇر ۇيالاتادى.قازاق – كەڭ جازيرا دالاسىنداي دارقان مىنەزى،باۋىرمالدىلىعى كوزىندە تۇنىپ تۇرعان، جۇرەگىنەن كورىنىپ تۇرعان، ۇلتجاندىعى  ىشىندە ۇيىپ جاتقان كەڭ حالىق. قازىرگى تاڭدا بۇكىل ءبىلىم بەرۋ جۇيەسى ارقىلى وسى قاسيەتتەردى جارقىراتا وتىرىپ  سىرتقا شىعارىپ، جوعارعى دارەجەگە كوتەرۋ قاجەت، ول ءۇشىن ساپالى پاتريوتتىق تاربيە كەرەك. بۇل سىرتتان عانا كەلەتىن اسەر ەمەس، تەرەڭنەن ءوربيتىن، قالىپتاساتىن اسىلقاسيەت. ول قازاق مەنتاليتەتىنىڭ  سانداعان عاسىرلار بويى قالىپتاسىپ كەلە جاتقان حالىققا ءتان سانا-سەزىممەن، وزىندىك تانىممەن كەلگەن ويلاۋ ناتيجەسى.مۇنداي اسىل قاسيەتتەردى  جاستارىمىزدىڭ بويىنا تەرەڭىنەن قالىپتاستىرۋدا ەلىمىزدەگى بەلدى قايراتكەرلەرمەن كەزدەسۋ وتكىزىپ، ساليقالى سۇقبات ۇيىمداستىرۋدىڭ  ماڭىزى زور دەپ بىلەمىز.

قىتايتانۋ كافەدراسىنىڭ ارنايى قوناعى بولعان تۇلەگىمىز – ا.يبراگيموۆ ستۋدەنتتەر مەن ماگيسترانتتارعا  ءوز ءومىرى مەن ەڭبەك جولى، ۋنيۆەرسيتەت قابىرعاسىندا وتكەن  ستۋدەتتىك ءومىرى تۋراسىندا قىسقاشا توقتالىپ ءوتىپ، حالىقارالىق جۇك تاسىمالى سالاسىنا ارنالعان ورىس-قىتاي سوزدىگى انىقتامالىعىنىڭ وقۋ ۇدەرىسىندە جانە جۇمىستا قولدانۋ قۇندىلىعىمەن تانىستىرىپ ءوتتى. سونداي-اق  ا. يبراگيموۆ قازىرگى تاڭدا ەلىمىزدەگى  ءۇش ءتۇرلى كوكەيكەستى ماسەلەنى كوتەرىپ وتەدى  - انا ءتىلىنىڭ دەڭگەيىن كوتەرۋ،  باسەكەلەستىكتىڭ  اساۋ تەگەۋرىنىنە توتەپ بەرە الاتىن جوعارعى  دەڭگەيدەگى كاسىبي مامان دايارلاۋ جانە  جاستار بويىندا ۇلتجاندىلىق قاسيەتتەردى بولاشاق ۇرپاق بويىنا تەرەڭ ءسىڭىرۋ.  « ءبىزدىڭ تاريحىمىز تۋرالى قۇندى دەرەكتەر  جۇڭگو تىلىندەگى  جازبالاردا  كوپ ساقتالعان، سوندىقتان ءبىز كورشىلەس جاتقان حالىقتىڭ ءتىلىن  جاتىق مەڭگەرىپ، ءوز تاريحىمىز تۋرالى مالىمەتتەردى تەك شەتەل عالىمدارىنىڭ ەڭبەكتەرى ارقىلى عانا ەمەس، ءوز  مۇمكىندىكتەرىمىزدى، ءبىلىمىمىزدى  پايدالانا وتىرىپ، تىكەلەي اۋدارما جاساۋ ارقىلى زەرتتەۋىمىز كەرەك.  الايدا وزگە ۇلتتىڭ ءتىلىن دە جەتىك مەڭگەرۋ ءۇشىن،ەڭ الدىمەن ءتول ءتىلىمىزدى قۇرمەتتەپ، تۋعان ءتىلىمىزدىڭ  مارتەبەسىن جوعارى ۇستاۋىمىز كەرەك، ءوز مادەنيەتىمىزدى، ءداستۇرىمىزدى قۇرمەتتەۋىمىز كەرەك»- دەپ باسا كوسەتتى. امانجول يبراگيموۆ قيىندىعى مەن قىزىعى قاتار جۇرەتىن اۋدارماشىلىق قىزمەت تۋرالى،جوعارعى بىلىكتى اۋدارماشىنىڭ قانداي قاسيەتتەدى ءوز بويىنا ءسىڭىرۋ كەرەكتىگى جونىندە سىر شەرتتى. ءار ماماننىڭ ءوز سالاسىن شەبەر مەڭگەرۋى ناتيجەسىندە قوعامىمىزدىڭ گۇلدەنە تۇسەتىنىنە ەرەكشە توقتالىپ ءوتىپ، ستۋدەنتتەر مەن ماگيسترانتتاردى ءوز ءىسىنىڭ بىلىكتى مامانى بولۋعا ءارى ءوز ەلىنىڭ ۇلتجاندى ازاماتى بولۋعا شاقىردى. ءوزىنىنىڭجۇك تاسىمالى سالاسىنا ارنالعان ورىس-قىتاي سوزدىگى انىقتامالىعىنىڭ تۇساۋكەسەرىندە سەكسەن سوزدىكتى  ستۋدەنتتەر مەن وقىتۋشىلارعا سىيعا تارتتى. كەزدەسۋ بارىسىندا ستۋدەنتتەر مەن ماگيسترانتتار كوكەيدە جۇرگەن سۇراقتار مەن ساۋالدارىن قويىپ وتىردى، سوڭىندا ا.يبراگيموۆ ءوزى  جازعان« ستۋدەنتتەرگە» دەپ اتالاتىن ولەڭ شۋماقتارىمەن كەزدەسۋدى  ادەمى اياقتادى.  مۇنداي  ءىس-شارالاردىڭ ءبارى كەلەشەك جاس ۇرپاقتى پاتريوتتىق جانە ينتەرناسيونالدىق رۋحتا تاربيەلەۋدىڭ قاجەتتىلىگىن قامتاماسىز ەتەدى. وسىنداي ءىس –شارالاردى وتكىزۋدە فاكۋلتەت دەكانى، پروفەسسور جۇباتوۆا بايان نۇرسۇلتان قىزى جانە قىتايتانۋ كافەدراسىنىڭ مەڭگەرۋشىسى پروفەسسور ءنابيجان مۇقامەتحان ۇلى ءاردايىم جان-جاقتى قولداۋ كورسەتتىپ وتىرادى.قازاقستان رەسپۋبليكاسىنىڭ ءبىلىم بەرۋ جاڭا باعدارلاماسىندا، قوعامنىڭ، بۇگىنگى كۇنگى تالابى الداعى ۋاقىتتا دا ءاربىر ادامدى وتانىن سۇيۋگە، تۋعان جەرىن قۇرمەتتەۋگە، اتا-بابانىڭ وزىق سالت-داستۇرلەرىنىڭ قۇندىلىعىن ماقتانىش تۇتۋعا، الەمدە حالىقتار اراسىنداعى بەيبىتشىلىك ءۇشىن دوستىقتى نىعايتۋعا باعىت بەرۋدە تالماي ەڭبەك ەتۋدى قاجەت سانايدى. وسىنداي  باعىتتاردى شەبەر ۇشتاستىرا وتىرىپ، ءبىزدىڭ شىعىستانۋ فاكۋلتەتى ءارى قارايعى ىزگىلىك پەن تاعىلىمعا تولى  ءىس –شارالار اياسىن ۇلعايتىپ،  قوعام ءومىرىنىڭ كەمەلدەنە تۇسۋىنە تامشىداي بولسا دا ءوز ۇلەستەرىن قوسىپ كەلەدى.  ءسوز سوڭىندا جاستارىمىزدىڭ رۋحاني الەمىن اسقاقتاتۋعا سەپتىگىن تيگىزەتىن مۇنداي يگىلىكتى ءىس-شارالار كوبەيە بەرسە ەكەن دەپ تىلەيمىن.

ايدا كەنجەبايەۆا

ءال-فارابي اتىنداعى قازاقۇۋ شىعىستانۋ فاكۋلتەتى قىتايتانۋ كافەدراسىنىڭ دوسەنتى