استانادا ورتالىق كوممۋنيكاسيالار قىزمەتىندە باسپا ءسوز ءماسليحاتىن وتكىزگەن الماتى اكىمى باۋىرجان بايبەك قالا اكىمدىگىندەگى كادرلىق اۋىس-تۇيىستەرگە تۇسىنىكتەمە بەردى، - دەپ حابارلايدى «قامشى» پورتالى.

"كوماندالىق اۋىسۋلار تۋرالى. سىزدەر بىلەسىزدەر، ۇلتتىق كوميسسيا تاعايىندايتىن "ا" كورپۋسى بار بىزدە. وندا اكىمشىلىك جانە ساياسي مەملەكەتتىك قىزمەتكەرلەر بار. ساياسي قىزمەتكەرلەر بايقاۋسىز تاعايىندالادى. سوندىقتان كوماندالىق اۋىسۋلار تۋرالى ايتۋ قيىنداۋ"، - دەدى ول بۇگىن استانادا ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىندا.

ونىڭ ءسوزى بويىنشا، الماتى اكىمدىگىندە ۇيلەسىمدى جانە ءتيىمدى كاسىبي كوماندا جينالعان.

"مەنىمەن پارتيادا بىرگە ىستەگەن ادامدار بار، پرەزيدەنت اكىمشىلىگىنەن كەلگەن ادامدار دا بار.

وتە ۇيلەسىمدى ءارى ءتيىمدى كوماندا. ساياسي بولعاندىقتان، ولار بايقاۋدان تىس تاعايىندالادى. ولاردىڭ كاسىبي تالابى انىقتالادى. مەنىڭشە، ەڭ باستىسى - كوماندانىڭ ۇيلەسىمدى  جۇمىسى. دەگەنمەن بىزدە اكىمدىكتە جۇمىس ىستەپ جاتقان ادامدار دا جەتكىلىكتى. 

جالپى ءبىزدىڭ اكىمدىكتە جاپپاي ءاۋىس-تۇيىس بولىپ جاتىر دەپ ايتۋعا بولمايدى"، - دەيدى ول.

ونىڭ ءسوزى بويىنشا، جەتەكشىلەردىڭ باسىم بولىگى ءوز ورىندارىندا قالىپ وتىر.

"وسى ماسەلەدە ناقتى ءبىلۋ كەرەك. "ا" كورپۋسى ول - اۋدان اكىمدەرى. اۋداندىق اكىمدەر اۋىسقان جوق. ولار بۇرىنعىشا قىزمەتتەرىن اتقارۋدا. سوندىقتان مەنىڭ ويىمشا، ەڭ باستىسى كوماندانىڭ تيىمدىلىگى. باسقارما ءتوراعالارىنىڭ باسىم بولىگى ورىندارىندا قالدى. سوڭعى جارتى جىل بىزگە وڭاي بولماعانىن بىلەسىزدەر. الماتى - وڭاي قالا ەمەس. دەگەنمەن باعانى مەن بەرە المايمىن. باعانى بەرەتىن سىزدەر. الايدا كوماندا ءوز قىزمەتىن اتقارىپ جاتىر. باستىسى كاسىبيلىك. ولاردىڭ كوبى پرەزيدەنت اكىمشىلىگىندە قىزمەت ىستەگەن. ايماق باسشىلارى بولعان ادامدار"، - دەيدى اكىم.