ءقازىر قازاقستاندا ورالمان دەگەن قاۋىم بار . تاۋەلسىزدىگىمىز امان بولسا جانە ونى بەكەمدەيمىز دەسەك، بۇل قاۋىم بۇدان بىلاي كوبەيمەسە ازايمايدى.

 سوڭعى كەزدەرى وسى ورالماندار تۋرالى " ورالمان " دەمەۋ كەرەك، " قانداس"دەۋ كەرەك، "الاش"دەۋ كەرەك، "باۋىرلاس"دەۋ كەرەك دەگەن سىڭايلى پىكىرلەر كوپ ايتىلىپ ءجۇر.ال مەن ءسال وزگەشەلەۋ ويلايمىن:

ءجارايدى، سولاي اتايىق، نە وزگەرەدى سوڭدا؟ قوعامدىق ورنىڭ، مارتەبەڭ دۇرىس بولماسا، سەنى ولاي دەپ اتاعاننان نە پايدا؟ ءتىپتى "باسى التىن ، كوتى كۇمىس"دەپ اتاساڭدا، كىرمە قۇرلى مارتەبەڭ، سىيىڭ بولماسا ،ەلگە كۇلكى، كوزگە تۇرتكى بولعانىڭ بولعان ەمەسپە؟__"ويباي، باسى التىن، كوتى كۇمىس بىرەۋلەر كەلە جاتىر"_ دەپ .

راس،ورالمان دەگەن اتاۋ وسى شەتەلدەن كوشىپ كەلىپ جاتقان قازاقتىڭ بارىنە بىردەي ءدۇپ كەلمەيتىنى شىندىق. باسقانى ايتپاعاندا ، مىنا تۇرعان تاشكەنت قاز اسسر العاش قۇرىلعاندا قازاقتىڭ جەرى ەدى. قازاقتا ءسوز بارعوي: "اتاڭنىڭ باسى بارما ەدى؟"_دەيتىن. بار.تولە بي اتامىزدىڭ باسى جاتىر وندا. ەندى سول اتا - باباسىنان بەرى تاشكەنتتە تۇرىپ كەلە جاتقان،سوڭدا تۋىپ، سوندا وسكەن قازاق قازاقستانعا كەلسە ورالمان دەپ، ورالدى دەپ ايتۋ تىكە ماعنادا قيسىنسىزداۋ ارينە. دەسە دە، وسى ءبىر شەتەلدەن كەلىپ جاتقان قاۋىمدى ايتەۋ نە دەپ بولسادا ءبىر اتاۋمەن اتاۋ كەرەك قوي. سولاي ەكەن دەپ ءبىر سوزگە جارماسىپ الىپ،سونى دىڭعىرلاتا بەرگەننەن گورى ، سول ورالماننىڭ قوعامدىق، ساياسي مارتەبەسىن كوتەرۋدى كوبىرەك ويلاساقپا دەيمىن. ورالماننان پارلەمەنتتە دەپۋتاتىمىز بولسىن، ءسوزىمىزدى سويلەيتىن. ورىنباسارى بولسادا ءبىر ءمينيسترىمىز بولسىن ءىسىمىزدى اتقاراتىن. وبلىس، اۋدان اۋىلداردا اراتۇرا بولسادا اكىمىمىز بولسىن.كۇندەلىكتى تۇرمىسىمىزدان بولماسادا، ايىنا اپتاسىنا اس اۋقاتىمىز بەن حال كۇيىمىزدەن حابار تاۋىپ، ءجون سىلتەپ وتىراتىن جەرگىلىكتى ءماسليحاتتاردا دەپۋتاتتىمىز بولسىن. سۋديا بولسىن، پروكۋرور بولسىن، ديرەكتور بولسىن دەگەندەي.

قازاقستان قازاقستان بولۋ ءۇشىن قازاق كەرەك. ال، قازاق قازاق بولۋ ءۇشىن قازاقستان كەرەك. كەرەك بولدى شاقىردىق، كەرەك بولدى كەلدىك. ەندىگى كەرەگى: بىرگە ءوسىپ، بىتە قايناسىپ،مەملەكەتىمىزدىڭ ودان ارى گۇلدەنىپ كوركەيىۋى ءۇشىن ات سالىسۋ. ەلىمىزدىڭ بولاشاعى ءۇشىن تىزە قوسا ەڭبەك ەتۋ،كۇرەسۋ. مەملەكەتتىڭ مىندەتى – ءوز حالقىن تاربيەلەۋ. حالىقتىڭ مىندەتى مەملەكەتىن قولداۋ،قورعاۋ. سوندىقتان ءوز باسىم ورالمان دەي ما، باسقا دەي ما ءبارى ءبىر. ەڭ ءبىرىنشى قوعامدا ورنىڭ، ساياساتتا بەدەلىڭ بولسىن.

Kapar Akhat-تىڭ فەيسبۋكتەگى پاراقشاسىنان الىندى