ەل پرەزيدەنتى ن. نازاربايەۆ الەۋمەتتىك جەلىلەردى ءتۇرلى تاقىرىپتا پىكىر تالاستىراتىن ماڭىزدى الاڭ دەپ سانايدى. بۇل تۋرالى پرەزيدەنتتىڭ باسپا ءسوز حاتشىسى داۋرەن ابايەۆ اقوردانىڭ فەيسبۋكتەگى بەتىندە جاريالادى.
جازىلۋشىلار سانى 10 مىڭنان اسقان رەسمي پاراقشادا داۋرەن ابايەۆ بارلىق جەلى قولدانۋشىلارىنا العىس ءبىلدىردى.
«ءبىز ءار جاريالانىمدى قاداعالاپ وتىرعان جانە رەسمي بەتتى جەتىلدىرۋ بويىنشا ۇسىنىس جاساعان بارلىقتارىڭىزعا ريزاشىلىق بىلدىرەمىز. تەك كەرى بايلانىس ارقىلى عانا ءبىز ءوز جۇمىسىمىزدى جاقسارتا الامىز»، - دەگەن د. ابايەۆ.
سونىمەن قاتار، ول «مەملەكەت باسشىسى جۇمىس باستىلىعىنا قاراماستان الەۋمەتتىك جەلىدەگى نەگىزگى ترەندتەردەن حاباردار جانە الەۋمەتتىك جەلىنى قوعامدىق پىكىر تالاستار ءۇشىن ماڭىزدى الاڭ دەپ سانايدى»، - دەگەن.
پىكىر قالدىرۋ