Youtube جەلىسىندە جاريالانعان ۆيدەودا رەسەي قۇرامىنداعى بۋرياتيا ازاماتى بۇگىنگى تاڭدا رەسەيلىك تەلەارنالار تاراتىپ جاتقان حابارلار مەن ەلدە جۇرگىزىلىپ وتىرعان اقپاراتتىق ساياساتتى سىنعا الدى، - دەپ حابارلايدى «قامشى» پورتالى.

 «ءقازىر تەلەارنالار مەنى، مەنىڭ تۋىستارىمدى، تانىستارىمدى، بارلىعىمىزدى الداپ، ميىمىزدى «جۋىپ» جاتىر. بۇل بارلىعىمىزدى، مىنا رەجيمگە سەنەتىن بار ادامداردى پسيحولوگيالىق اۋرۋعا شالدىقتىرادى. فەدەرالدى ارنالاردى كورۋ مۇمكىن ەمەس»، - دەيدى ۆلاديمير شافيروۆ.

سونداي-اق، ول پۋتين قۇرعان جۇيە رەسەيلىكتەردىڭ ساناسىن ۋلاپ تاستاعانىن ايتادى.

«رەسەيلىكتەرگە قارانى اق دەسە، سولاي قابىلدايتىن دەڭگەيگە جەتتى. پۋتيندىك جۇيە كوررۋپسياعا بەلشەدەن باتتى. ادامدار رەسەيدەگى بار پروبلەمالاردى كورمەۋى ءۇشىن بىزگە كۇندە سيريانى كورسەتەدى، ۋكرايناداعى «ەسۋاستاردى» كورسەتەدى» - دەدى ول.