اقتوبەدە ناننىڭ ىشىنەن قولدانىلعان مۇشەقاپ تابىلدى. تۋرالعان ناندا تۇيىلگەن مۇشەقاپتىڭ سالبىراپ تۇرعان سۋرەتى الەۋمەتتىك جەلىدە كوپتىڭ جاعاسىن ۇستاتتى دەپ حابارلايدى "قامشى" پورتالى nur.kz-كە سىلتەمە جاساپ.
اقتوبە وبلىسىنىڭ قوبدا اۋىلىنىڭ تۇرعىنى ادام شوشىرلىق جاعدايدىڭ كۋاگەرى بولدى. تۇرعىن اتاسى مەن اجەسى ساتىپ العان نان ىشىنەن شىققان مۇشەقاپتىڭ سۋرەتىن الەۋمەتتىك جەلىگە سالىپ، كوپتى ساقتاندىرىپ جاتىر.
«بۇل ءازىل ەمەس. كاسىپكەردى قاساقانا قارالاپ تا وتىرعان جوقپىز. «قوبدا جەر» ج ش س شىعارعان ناندى اتام مەن اجەم ساتىپ الىپ كەلدى. ۇلكەن كىسىلەرگە جالعان اقپارات كەرەك ەمەس. ولار العاشىندا پاكەت قيىندىسى دەپ ويلاعان. ال ىشىنەن شىققان زاتتى كورگەندە شوشىپ قالدى»، - دەيدى الەۋمەتتىك جەلىگە قورقىنىشتى سۋرەتتى سالعان تۇرعىن.
اۆتور وتباسى مۇشەلەرىنىڭ ءقازىر تاماققا جيىركەنىشپەن قارايتىنىن ايتقان. ولار بۇل جاعدايدى سۋرەتكە ءتۇسىرىپ تەكسەرۋ مەكەمەلەرىنە ارىز تۇسىرگەن.
ىڭعايسىز زاتتىڭ اس ىشىنەن تابىلۋى اقتوبەدە ءبىرىنشى رەت تىركەلىپ تۇرعان جوق. بۇعان دەيىن ۇن ىشىنەن ايەلدەردىڭ گيگيەنالىق توسەنىشى تابىلعان بولاتىن.
پىكىر قالدىرۋ