بيىل – الاشتىڭ ءاليحانى، «الاش» پارتياسىنىڭ جەتەكشىسى، ۇلت كوسەمى ءاليحان بوكەيحاننىڭ 150 جىلدىعى. وسى اتاۋلى داتاعا وراي قوعامدا ءتۇرلى باستامالار كوتەرىلىپ، ۇلت قايراتكەرىنىڭ ەسىمىن ۇلىقتاۋدى ماقسات ەتكەن ۇسىنىستار كوپتەپ ايتىلۋدا. الماتىلىقتاردىڭ ءبىر توبى قالاداعى فۋرمانوۆ داڭعىلىنا ءاليحان ەسىمىن بەرۋ ماسەلەسىن كوتەرگەنى بەلگىلى. ەندى تقالاداعى ءبىر توپ جاستار الەۋمەتتىك جەلىدە الاتاۋدىڭ بۇعان دەيىن «فۋرمانوۆ» اتىمەن اتالىپ كەلگەن ءبىر شىڭىنا ءاليحان بوكەيحاننىڭ ەسىمىن بەرۋدى كوتەرىپ وتىر. «قامشى» پورتالى وسى يگى باستامانىڭ باسى-قاسىندا جۇرگەن ازامات، بەلگىلى كاسىپكەر احمەتبەك نۇرسيلا مىرزانى اڭگىمەگە تارتقان ەدى.
جۇرت «فۋرمانوۆكا» دەپ اتاپ كەتكەن شىڭعا ءاليحان بوكەيحاننىڭ اتىن بەرگەلى جاتىر ەكەنسىزدەر، بۇل وي قالاي كەلدى؟
ءبىز دوستارىمىزبەن سوڭعى ون جىل بويى الاتاۋدىڭ بارلىق شىڭدارىنا شىعىپ كەلەمىز. بارلىعى ورىسشا اتاۋلارمەن اتالاى، قازاقتىڭ سونداي كەرەمەت جەرلەرىن اتايتىنداي قازاقتا ءسوز جوق پا دەپ، ۇنەمى كوكەيدە جۇرەتىن. سونىمەن وسى جولى ءوزىم باس بولىپ، قولاۋشىلار تابىلىپ، ۇيىمداستىرىپ جاتىرمىز. وزدەرىڭىز بىلەسىزدەر بيىل ءاليحان بوكەيحان اتامىزدىڭ 150 جىلدعى، «الاش، الاش» دەپ قۇر ايعايلاي بەرگەننەن تۇكتە شىقپايدى، ناقتى قادامدار كەرەك، ۇرپاقتىڭ ساناسىنا سىڭەتىن جۇمىستار كەرەك. سول ناقتى قادامدى ءبىز وسىلاي باستاپ وتىرمىز. 31 قاڭتار كۇنى «بيزنەس باستاۋ» كاسىپكەرلىك مەكتەبىنىڭ كومانداسىنىڭ اتسالىسۋىمەن الماتىلىقتاردى ەرتىپ بارىپ، سول شىڭعا «ءاليحان شىڭى» دەگەن اتاۋ بەرمەكپىز. ارنايى ۆيدەوعا جازىپ، رەسپۋبليكالىق ونوموستيكالىق كوميتەتكە ۇسىنىس جاسايمىز.
بۇنداي باستامالاردى جۇرت قالاي قابىلداپ جاتىر؟
قولداۋشىلاردىڭ سانى وتە كوپ، الەۋمەتتىك جەلىدە قانى بار قازاقتاردىڭ بارلىعى جازىپ جاتىر، وزگە وبلىستاردان دا قولاۋ ءبىلدىرىپ، ءوز ايماقتارىنداعى ورىسشا جەر اتاۋلارىنا قازاقشا اتاۋ بەرۋ جاعىن ويلاستىرىپ جاتقاندار بار. بىزدە ءبىر ءتۇرلى ەنجارلىق بار، بويكۇيەز، مارعاۋمىز. بولماسا، تاۋەلسىز ەلمىز، بايتاق دالامىز بار، كوپشىلىگىن ورىس تىلىندە ايتىپ ءجۇرمىز. ءبىز وسى جولى شىڭعا شىعىپ كەلگەننەن كەيىن، بىردەن تۆ، ب ا ق، الەۋمەتتىك جەلىلەرگە تاراتا باستايمىز. سوندا، بەيرەسمي تۇردە بىردەن «ءاليحان» شىڭى دەپ اتالاتىن بولادى. وسىنداي باستامالاردى ەل بولىپ كوتەرۋىمىز كرەك. الاش ارىستارىن قالاي ۇلىقتاساق تا جاراسادى.
بۇل باستامالارىڭىز وسىمەن توقتاپ قالماي ما؟ قوعامدا جالعاسىن تابا ما؟
ءوزىم جەتەكشىلىك ەتەتىن «بيزنەس-باستاۋ» كاسىپكەرلىك مەكتەبى جاستارعا تەك بيزنەس تۋراسىندا ەمەس، باسقا دا ءىس شارالاردى ۇيىمداستىرىپ وتىرامىز. سالاۋاتتى ءومىر سالتى، ۇلتتىق قۇندىلىقتارعا بەي-جاي قاراماۋ، قايىرىمدىلىق، ت.ب جۇمىستاردى كۇندەلىكتى بولىپ تۇرادى. جەكسەنبى سايىن تاۋعا شىعامىز، ۇلتتىق مەرەكەلەردى تويلايمىز، قايىرىمدىلىق ءىس-شارالارىن ۇيىمداستىرامىز، كەڭسەمىزدە شاعىن جاتتىعۋ زالى ورنالاسقان. بۇل ءىس-شارادا وتانىن، مەملەكەتىن سۇيۋگە جەتەلەيتىن جۇمىس، تەك وسىمەن توقتامايمىز، جوسپارلارىمىز وتە ۇلكەن.
اڭگىمەڭىزگە راحمەت!
