قىتايدىڭ التاي ايماعى قابا اۋدانىندا 26 قاڭتار كۇنى «يگىلىك» ۇتىس لوتورەياسىنىڭ «قوس ءتۇستى شار» سىيلىقتى بيلەتىنەن ءبىر قازاق ازاماتى قوماقتى قارجى ۇتىپ الدى. قانداسىمىزدىڭ ۇتىپ العان سىيلىق سوماسى 10 759 612 يۋاندى قۇرايدى، - دەپ حابارلايدى «قامشى» پورتالى التايلىق اقپارات قۇرالدارىنا سىلتەمە جاساپ.
قوماقتى ۇتىس يەلەنگەن 40 جاستان اسقان لوتورەيا اۋەسقويى 10 جىلدان بەرى ۇزدىكسىز لوتورەيا ويناپ كەلگەن. ۇتىس شىققان لوتورەيا ساندارى ونىڭ وتباسى مۇشەلەرىنىڭ تۋعان اي، كۇنىمەن قۇرامداس بولىپ شىققان. ۇتىس سوماسىن تەڭگەگە شاققاندا 559499824 تەڭگەنى قۇراپ وتىر. دوللارمەن ەسەپتەگەندە بۇل سوما 1543448 دوللاردى قۇرايدى.
وسىنىڭ الدىندا، 14 قاڭتار كۇنى التاي ايماعىنىڭ بەيتۇن قالاسىندا تاعى ءبىر لوتورەيا اۋەسكەرى وسى لوتورەيا بيلەتىنەن 10 620 158 يۋاندىق سىيلىققا يە بولعان ەدى.
